ಪಾರಂಪರಿಕ ಕೃಷಿ ವಿಕಾಸ ಯೋಜನೆ: ಲಾಭ ಪಡೆಯುವುದು ಹೇಗೆ? ಇಲ್ಲಿದೆ ಮಾಹಿತಿ

ಭಾರತವು ಕೃಷಿ ಪ್ರಧಾನ ದೇಶವಾಗಿದೆ. ಸರ್ಕಾರವು ರೈತರಿಗಾಗಿ ಹಲವು ಯೋಜನೆಗಳನ್ನು ಜಾರಿಗೆ ತಂದಿದೆ. ಅವುಗಳಲ್ಲಿ ಪಾರಂಪರಿಕ ಕೃಷಿ ವಿಕಾಸ ಯೋಜನೆಯೂ ಒಂದು. ರೈತರ ಜೀವನ ಮಟ್ಟವನ್ನು ಸುಧಾರಿಸುವ ಹಾಗೂ ಪರಿಸರ ಸಮತೋಲನೆಯನ್ನು ಕಾ‍ಪಾಡುವ ಉದ್ದೇಶದಿಂದ ಈ ಯೋಜನೆಯನ್ನು 2015ರಲ್ಲಿ ಆರಂಭಿಸಲಾಯಿತು.

ಯೋಜನೆಯ ಉದ್ದೇಶಗಳೇನು ?

• ಮಣ್ಣಿನ ಆರೋಗ್ಯ  ಹಾಗೂ ನೈಸರ್ಗಿಕ ಸಂಪನ್ಮೂಲಗಳನ್ನು ಸಂರಕ್ಷಣೆ ಮಾಡುವುದು.

• ನೈಸರ್ಗಿಕ ಕೃಷಿ ಪದ್ಧತಿಯನ್ನು ಉತ್ತೇಜಿಸುವುದು.

• ರಾಸಾಯನಿಕಗಳ ಅವಲಂಬನೆ ಕಡಿಮೆ ಮಾಡಿ, ನೈಸರ್ಗಿಕ ವಿಧಾನದ ಮೂಲಕ ಕೃಷಿ ಮಾಡುವುದನ್ನು ರೈತರಿಗೆ ತಿಳಿಸಿಕೊಡುವುದು. 

• ಕಡಿಮೆ ಬಂಡವಾಳದಿಂದ ಹೆಚ್ಚು ಲಾಭ ಗಳಿಕೆ ಮಾಡುವುದು. 

• ರಾಸಾಯನಿಕ  ರಹಿತ ಹಾಗೂ ಆರೋಗ್ಯಕರ ಆಹಾರದ ಉತ್ಪಾದನೆ ಮಾಡುವುದು. 

• ರೈತ ಸಂಘಗಳನ್ನು ಬೆಂಬಲಿಸುವುದು.

• ಮಾರುಕಟ್ಟೆಗಳೊಂದಿಗೆ ನೇರವಾಗಿ ರೈತರು ಸಂಪರ್ಕ ಸಾಧಿಸಲು ವೇದಿಕೆ ಕಲ್ಪಿಸುವುದು. 

 ಯೋಜನೆಯ ಪ್ರಯೋಜನಗಳು:

• ಸಾವಯವ ಕೃಷಿ ಪದ್ಧತಿಯನ್ನು ಅಳವಡಿಸಿಕೊಳ್ಳುವ ರೈತರಿಗೆ 3 ವರ್ಷಕ್ಕೆ ಪ್ರತಿ ಹೆಕ್ಟೇರ್‌ಗೆ ₹31,500 ನೆರವು ದೊರೆಯಲಿದೆ. ಈ ಕೆಳಗಿನಂತೆ ಹಣವನ್ನು ವಿಂಗಡಣೆ ಮಾಡಿದೆ.

• ಕೃಷಿ ಭೂಮಿಗೆ ಬೇಕಾದ ಸಾವಯವ ಪರಿಕರಗಳಿಗಾಗಿ ₹15,000  ಸಿಗಲಿದೆ. 

• ಮಾರುಕಟ್ಟೆ, ಪ್ಯಾಕೇಜಿಂಗ್ ಹಾಗೂ ಬ್ರ್ಯಾಂಡಿಂಗ್‌ಗಾಗಿ ₹4,500 ಸಿಗಲಿದೆ.

• ಪ್ರಮಾಣೀಕರಣಕ್ಕಾಗಿ ₹3,000 ಸಿಗಲಿದೆ.

• ರೈತರಿಗೆ ತರಬೇತಿ ಹಾಗೂ ಅವರ ಸಾಮರ್ಥ್ಯ ವೃದ್ಧಿಗಾಗಿ ₹9,000 ಸಿಗಲಿದೆ.‌

 ಯೋಜನೆಗೆ ಅರ್ಜಿ ಸಲ್ಲಿಸುವುದು ಹೇಗೆ?

• ಅನ್‌ಲೈನ್‌ ಮೂಲಕ ಅರ್ಜಿ ಸಲ್ಲಿಸಲು ಇಲಾಖೆಯ ಅಧಿಕೃತ ಅಂತರ್ಜಾಲ ತಾಣಕ್ಕೆ ಭೇಟಿ ನೀಡಿ. https://jaivikkheti.in

ಅಗತ್ಯವಿರುವ ದಾಖಲೆಗಳು:

• ಭೂ ದಾಖಲೆಗಳು

• ಆಧಾರ್ ಸಂಖ್ಯೆ

• ಜಾತಿ ಪ್ರಮಾಣಪತ್ರ (ಎಸ್‌ಸಿ, ಎಸ್‌ಟಿ ಹಾಗೂ ಒಬಿಸಿ ಗೆ ಮಾತ್ರ)

• ಬ್ಯಾಂಕ್ ವಿವರಗಳು

• ಡಿಪಿಆರ್

• ಫೋನ್ ವಿವರಗಳು

• ಛಾಯಾಚಿತ್ರಗಳು