ಮಕ್ಕಳಿಗೆ ಅಪ್ಪ ಸ್ಫೂರ್ತಿ ಆಗುವುದು ಮಾಮೂಲು. ಆದರೆ ಸೈಫ್ ಅಲಿ ಖಾನ್ ಅವರ ಮಗಳು ಸಾರಾ ಅಲಿ ಖಾನ್ಗೆ ಸಿನಿಮಾ ಕ್ಷೇತ್ರಕ್ಕೆ ಬರಲು ಐಶ್ವರ್ಯ ರೈ ಸ್ಫೂರ್ತಿಯಂತೆ. ಈ ವಿಷಯವನ್ನು ಸ್ವತಃ ಸೈಫ್ ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.
ಸಾರಾ ಸದ್ಯ ಸುಶಾಂತ್ ಸಿಂಗ್ ರಜಪೂತ್ ಜೊತೆ ‘ಕೇದಾರನಾಥ’ ಎನ್ನುವ ಚಿತ್ರದಲ್ಲಿ ಅಭಿನಯಿಸುವ ತಯಾರಿಯಲ್ಲಿದ್ದಾರೆ. ಚಿತ್ರ ಡಿಸೆಂಬರ್ನಲ್ಲಿ ತೆರೆಕಾಣಲಿದೆ.
‘ಆಗ ಸಾರಾಗೆ ನಾಲ್ಕು ವರ್ಷವಿರಬಹುದು. ನ್ಯೂಯಾರ್ಕ್ನ ವೇದಿಕೆಯೊಂದರಲ್ಲಿ ನಡೆದು ಹೋಗುತ್ತಿದ್ದ ಐಶ್ವರ್ಯಾ ಅವರನ್ನು ಅಭಿಮಾನಿಗಳು ಹಿಂಬಾಲಿಸುತ್ತಿದ್ದರು. ಸಭಾಂಗಣದಲ್ಲಿ ಕುಳಿತಿದ್ದ ಸಾರಾ ಮುಂದೊಂದು ದಿನ ನಾನೂ ಹೀಗೆ ಆಗಬೇಕು ಎಂದಿದ್ದಳು. ಅದೇ ಆಸೆಯನ್ನು ಕಾಪಿಟ್ಟುಕೊಂಡು ಇಂದು ಸಿನಿಲೋಕಕ್ಕೆ ಕಾಲಿರಿಸಿದ್ದಾಳೆ. ಅವಳಿಗೆ ಎಲ್ಲವೂ ಶುಭವಾಗಲಿ’ ಎಂದು ಹಾರೈಸಿದ್ದಾರೆ ಸೈಫ್.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.