50 ವರ್ಷಗಳ ಹಿಂದೆ | ಡಿಎಂಕೆ ಸರ್ಕಾರದಿಂದ ಅನಗತ್ಯ ರಾಜಕೀಯ

‘ಡಿಎಂಕೆ ಸರ್ಕಾರದಿಂದ ಅನಗತ್ಯ ರಾಜಕೀಯ’

ಮದರಾಸು, ಮೇ 31– ಸೇಲಂ ಉಕ್ಕು ಕಾರ್ಖಾನೆ ಪ್ರಶ್ನೆಯನ್ನು ತಮಿಳುನಾಡಿನ ಡಿ.ಎಂ.ಕೆ. ಸರ್ಕಾರ ಅನಗತ್ಯವಾಗಿ ‘ರಾಜಕೀಯ’ ಮಾಡಲು ಯತ್ನಿಸುತ್ತಿದೆ ಎಂದು ಕೇಂದ್ರ ಉಕ್ಕು ಮತ್ತು ಗಣಿಗಳ ಸಚಿವ ಚಂದ್ರಜಿತ್‌ ಯಾದವ್‌ ಹೇಳಿದರು.

ಯೋಜನೆಯನ್ನು ಕೇಂದ್ರ ತಾತ್ಕಾಲಿಕವಾಗಿ ಕೈಬಿಟ್ಟಿದೆ ಎಂಬ ತಮಿಳುನಾಡು ಸರ್ಕಾರದ ವಾದವನ್ನು ನಿರಾಕರಿಸಿದ ಯಾದವ್‌, ಈ ವರ್ಷ ಯೋಜನೆಗಾಗಿ ಮೂರು ಕೋಟಿ ರೂಪಾಯಿಗಳ ವೆಚ್ಚ ಹೆಚ್ಚಿಸಲು ತಾವು ಯೋಜನಾ ಆಯೋಗ ಮತ್ತು ಹಣಕಾಸು ಖಾತೆಯನ್ನು ಒತ್ತಾಯ ಮಾಡುತ್ತಿರುವುದಾಗಿ ಹೇಳಿದರು.