ಏಷ್ಯನ್‌ ಗೇಮ್ಸ್‌ಗೆ ತೇಜಸ್ವಿನ್‌ ಅಲಭ್ಯ
Published 1 ಜೂನ್ 2018, 19:30 IST
ತೇಜಸ್ವಿನ್‌ ಶಂಕರ್‌
ನವದೆಹಲಿ: ರಾಷ್ಟ್ರೀಯ ದಾಖಲೆ ಹೊಂದಿರುವ ಭಾರತದ ಹೈಜಂಪರ್‌ ತೇಜಸ್ವಿನ್‌ ಶಂಕರ್‌ ಅವರು ಕುತ್ತಿಗೆಯ ಉಳುಕಿನಿಂದ ನರಳುತ್ತಿದ್ದು, ಏಷ್ಯನ್‌ ಗೇಮ್ಸ್‌ಗೆ ಅಲಭ್ಯರಾಗಲಿದ್ದಾರೆ.
‘ಕುತ್ತಿಗೆ ಉಳುಕಿನಿಂದಾಗಿ ಏಷ್ಯನ್‌ ಗೇಮ್ಸ್‌ನಲ್ಲಿ ಸ್ಪರ್ಧಿಸಲು ಸಾಧ್ಯವಿಲ್ಲ ಎಂದು ತೇಜಸ್ವಿನ್‌ ಅವರು ಇ–ಮೇಲ್‌ ಕಳಿಸಿದ್ದಾರೆ’ ಎಂದು ಭಾರತ ಅಥ್ಲೆಟಿಕ್ಸ್‌ ಫೆಡರೇಷನ್‌ನ ಕಾರ್ಯದರ್ಶಿ ಸಿ. ಕೆ. ವಲ್ಸನ್‌ ಹೇಳಿದ್ದಾರೆ.
‘ಹೈಜಂಪ್‌ನಲ್ಲಿ ಸ್ಪರ್ಧಿಸುವಾಗ ಕುತ್ತಿಗೆಯಲ್ಲಿ ಯಾವುದೇ ರೀತಿಯ ನೋವು ಇರಬಾರದು. ಅದಕ್ಕಾಗಿ ಈ ನಿರ್ಧಾರ ಕೈಗೊಂಡಿರಬಹುದು. ಪದಕ ಗೆಲ್ಲುವ ಭರವಸೆ ಮೂಡಿಸಿದ್ದ ಭಾರತದ ಅಥ್ಲೀಟ್‌ಗಳಲ್ಲಿ ಅವರು ಒಬ್ಬರಾಗಿದ್ದರು. ಇದರಿಂದ ಕ್ರೀಡಾಕೂಟದಲ್ಲಿ ರಾಷ್ಟ್ರಕ್ಕೆ ಹಿನ್ನಡೆಯಾಗಲಿದೆ’ ಎಂದೂ ಹೇಳಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.