ADVERTISEMENT

ಕಬಡ್ಡಿ: ಭಾರತಕ್ಕೆ ಮತ್ತೊಂದು ಗೆಲುವು

​ಪ್ರಜಾವಾಣಿ ವಾರ್ತೆ
Published 2 ಮಾರ್ಚ್ 2012, 19:30 IST
Last Updated 2 ಮಾರ್ಚ್ 2012, 19:30 IST
ಕಬಡ್ಡಿ: ಭಾರತಕ್ಕೆ ಮತ್ತೊಂದು ಗೆಲುವು
ಕಬಡ್ಡಿ: ಭಾರತಕ್ಕೆ ಮತ್ತೊಂದು ಗೆಲುವು   

ಪಾಟ್ನಾ (ಪಿಟಿಐ): ಚುರುಕಿನ ಪ್ರದರ್ಶನ ನೀಡಿದ ಭಾರತ ತಂಡದವರು ಇಲ್ಲಿ ನಡೆಯುತ್ತಿರುವ ಚೊಚ್ಚಲ ಮಹಿಳಾ ವಿಶ್ವಕಪ್ ಕಬಡ್ಡಿ ಚಾಂಪಿಯನ್‌ಷಿಪ್‌ನಲ್ಲಿ ಮತ್ತೊಂದು ಗೆಲುವು ಪಡೆದು ಸ್ಥಳೀಯ ಅಭಿಮಾನಿಗಳ ಸಂಭ್ರಮಕ್ಕೆ ಕಾರಣರಾದರು.

`ಎ~ ಗುಂಪಿನಲ್ಲಿ ಸ್ಥಾನ ಪಡೆದಿರುವ ಭಾರತ ಶುಕ್ರವಾರ ನಡೆದ ಪಂದ್ಯದಲ್ಲಿ 43-18ಪಾಯಿಂಟ್‌ಗಳಿಂದ ಚೈನಿಸ್ ತೈಪೆ ಎದುರು ಗೆಲುವು ಸಾಧಿಸಿತು. ಆತಿಥೇಯರು ವಿರಾಮದ ವೇಳೆಗೆ 26-8ರಲ್ಲಿ ಮುನ್ನಡೆ ಹೊಂದಿದ್ದರು. ದಿನದ ಇನ್ನೊಂದು ಪಂದ್ಯದಲ್ಲಿ ಇರಾನ್ ತಂಡ 53-20 ಪಾಯಿಂಟ್‌ಗಳಿಂದ ನೇಪಾಳವನ್ನು ಮಣಿಸಿತು. ವಿಜಯಿ ತಂಡ ವಿರಾಮದ ವೇಳೆಗೆ 30-8ರಲ್ಲಿ ಮುನ್ನಡೆ ಹೊಂದಿತ್ತು.

ಇನ್ನಿತರ ಪಂದ್ಯಗಳಲ್ಲಿ ಥಾಯ್ಲೆಂಡ್ 64-19ರಲ್ಲಿ ತುರ್ಕಮೆನಿಸ್ತಾನ ಮೇಲೂ, ಬಾಂಗ್ಲಾದೇಶ 70-30ರಲ್ಲಿ ಮಲೇಷ್ಯಾ ವಿರುದ್ಧ ಗೆಲುವು ಸಾಧಿಸಿತು.

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.