ಸೋನೆಪತ್ : ಏಷ್ಯನ್ ಚಾಂಪಿಯನ್ ಬಜರಂಗ್ ಪೂನಿಯಾ ಅವರು ಮುಂದಿನ ತಿಂಗಳು ಪೋಲೆಂಡ್ನಲ್ಲಿ ನಡೆಯುವ 23 ವರ್ಷದೊಳಗಿನವರ ವಿಶ್ವ ಕುಸ್ತಿ ಚಾಂಪಿಯನ್ಷಿಪ್ಗೆ ಪ್ರಕಟಿಸಲಾಗಿರುವ ಭಾರತ ತಂಡದಲ್ಲಿ ಸ್ಥಾನ ಗಳಿಸಿದ್ದಾರೆ.
ಈ ವರ್ಷದ ಆಗಸ್ಟ್ನಲ್ಲಿ ಪ್ಯಾರಿಸ್ನಲ್ಲಿ ನಡೆದಿದ್ದ ಸೀನಿಯರ್ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಭಾಗವಹಿಸಿದ್ದ ಬಜರಂಗ್, ಪುರುಷರ 65 ಕೆ.ಜಿ ಫ್ರೀ ಸ್ಟೈಲ್ನಲ್ಲಿ ಭಾರತದ ಸವಾಲು ಎತ್ತಿ ಹಿಡಿಯಲಿದ್ದಾರೆ.
ಉತ್ಕರ್ಷ್ ಕಾಳೆ (57 ಕೆ.ಜಿ) ಮತ್ತು ರವಿಂದರ್ (61 ಕೆ.ಜಿ) ಅವರೂ ತಂಡದಲ್ಲಿದ್ದು ಭಾರತದ ಭರವಸೆ ಎನಿಸಿದ್ದಾರೆ.
ಭಾರತ ಕುಸ್ತಿ ಫೆಡರೇಷನ್ (ಡಬ್ಲ್ಯುಎಫ್ಐ) ಎಂಟು ಮಂದಿಯ ಗ್ರೀಕೊ ರೋಮನ್ ತಂಡವನ್ನೂ ಪ್ರಕಟಿಸಿದೆ.
ತಂಡ ಇಂತಿದೆ: ಫ್ರೀಸ್ಟೈಲ್: ಉತ್ಕರ್ಷ್ ಕಾಳೆ (57 ಕೆ.ಜಿ), ರವಿಂದರ್ (61 ಕೆ.ಜಿ), ಬಜರಂಗ್ (65 ಕೆ.ಜಿ), ವಿನೋದ್ ಕುಮಾರ್ (70 ಕೆ.ಜಿ), ದಿನೇಶ್ (74 ಕೆ.ಜಿ), ದೀಪಕ್ (86 ಕೆ.ಜಿ), ವಿಕಿ (97 ಕೆ.ಜಿ), ಪುಷ್ಪೇಂದ್ರ ಸಿಂಗ್ (125 ಕೆ.ಜಿ).
ಗ್ರಿಕೊ ರೋಮನ್ ತಂಡ: ಜ್ಞಾನೇಂದ್ರ (59 ಕೆ.ಜಿ), ಮನೀಷ್ (66 ಕೆ.ಜಿ), ಯೋಗೇಶ್ (71 ಕೆ.ಜಿ), ಮಂಜೀತ್ (75 ಕೆ.ಜಿ), ದೀಪಕ್ ಗುಲಿಯಾ (80 ಕೆ.ಜಿ), ಸುನಿಲ್ (85 ಕೆ.ಜಿ), ಸುಮಿತ್ (98 ಕೆ.ಜಿ), ಮೆಹರ್ ಸಿಂಗ್ (130 ಕೆ.ಜಿ).
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.