ಕುಸ್ತಿ: ಮೆಹರ್‌ಗೆ ಬೆಳ್ಳಿ

ನವದೆಹಲಿ (ಪಿಟಿಐ): ಭಾರತದ ಮೆಹರ್ ಸಿಂಗ್ ಥಾಯ್ಲೆಂಡ್‌ನಲ್ಲಿ ನಡೆಯುತ್ತಿರುವ ಏಷ್ಯನ್ ಜೂನಿಯರ್ ಕುಸ್ತಿ ಚಾಂಪಿಯನ್‌ಷಿಪ್‌ನಲ್ಲಿ ಬೆಳ್ಳಿ ಪದಕ ಗೆದ್ದುಕೊಂಡರು. ಇದರಿಂದ ಭಾರತ ಗೆದ್ದ ಒಟ್ಟು ಪದಕಗಳ ಸಂಖ್ಯೆ ಎಂಟಕ್ಕೇರಿತು.

ಗುರುವಾರದ ಸ್ಪರ್ಧೆಯಲ್ಲಿ ಭಾರತಕ್ಕೆ ಒಂದು ಬೆಳ್ಳಿ ಮತ್ತು ನಾಲ್ಕು ಕಂಚಿನ ಪದಕಗಳು ಬಂದವು. ನಿತಿನ್ (55 ಕೆ.ಜಿ.), ಪರ್ವಿನ್ ದಾಗರ್ (96 ಕೆ.ಜಿ.), ಸಂತೋಷ್ ಕುಮಾರ್ ಯಾದವ್ (50 ಕೆ.ಜಿ.), ಶೀತಲ್ (44 ಕೆ.ಜಿ.) ವಿಭಾಗದಲ್ಲಿ ಭಾರತಕ್ಕೆ ಪದಕಗಳು ಲಭಿಸಿದವು. ಬಾಲಕಿಯರ 67 ಕೆ.ಜಿ. ವಿಭಾಗದ ಸ್ಪರ್ಧೆಯಲ್ಲಿ ಉತ್ತಮ ಸಾಮರ್ಥ್ಯ ತೋರಿದ ಸೀಮಾ ಕಂಚು ಜಯಿಸಿದರು.