ಕ್ರಿಕೆಟಿಗ ಮಯಂಕ್ ಅಗರವಾಲ್ ಮದುವೆ ನಾಳೆ

ಬೆಂಗಳೂರು: ಕರ್ನಾಟಕ ರಣಜಿ ಕ್ರಿಕೆಟ್ ತಂಡದ ಆಟಗಾರ ಮಯಂಕ್ ಅಗರವಾಲ್ ಅವರು ಮಂಗಳವಾರ ಅಶಿತಾ ಸೂದ್ ಅವರೊಂದಿಗೆ ಮದುವೆಯಾಗಲಿದ್ದಾರೆ.

ಹೋದ ಫೆಬ್ರುವರಿ 1ರಂದು ಮಯಂಕ್ ಮತ್ತು ಅಶಿತಾ ಅವರ ನಿಶ್ಚಿತಾರ್ಥ ನಡೆದಿತ್ತು. ಆಶಿತಾ ಅವರು ಹಿರಿಯ ಪೊಲೀಸ್ ಅಧಿಕಾರಿ ಪ್ರವೀಣ್ ಸೂದ್ ಅವರ ಮಗಳು.

ಶನಿವಾರ ಸಂಜೆಯಿಂದ ವಧು–ವರರ ಮನೆಗಳಲ್ಲಿ ಧಾರ್ಮಿಕ ಕಾರ್ಯಕ್ರಮಗಳು ಆರಂಭಗೊಂಡಿವೆ. ಜೂನ್ 5ರಂದು ನಡೆಯುವ ಮದುವೆಯಲ್ಲಿ ಎರಡೂ ಕುಟುಂಬಗಳ ಸದಸ್ಯರು ಭಾಗವಹಿಸಲಿದ್ದಾರೆ. 6ರಂದು ಹೋಟೆಲ್‌ನಲ್ಲಿ ಅರತಕ್ಷತೆ ಆಯೋಜಿಸಲಾಗಿಧೆ. ಈ ಕಾರ್ಯಕ್ರಮಕ್ಕೆ ರಾಜ್ಯ ಮತ್ತು ರಾಷ್ಟ್ರದ ಕ್ರಿಕೆಟ್‌ ದಿಗ್ಗಜರು ಬರುವ ನಿರೀಕ್ಷೆ ಇದೆ.

ಹೋದ ರಣಜಿ ಟೂರ್ನಿಯಲ್ಲಿ ಮಯಂಕ್ ಅವರು ಶ್ರೇಷ್ಠ ಬ್ಯಾಟ್ಸ್‌ಮನ್ ಆಗಿ ಹೊರಹೊಮ್ಮಿದ್ದರು. ಈಚೆಗೆ ನಡೆದ ಐಪಿಎಲ್ ಟೂರ್ನಿಯಲ್ಲಿ ಅವರು ಕಿಂಗ್ಸ್‌ ಇಲೆವನ್ ಪಂಜಾಬ್ ಪರ ಆಡಿದ್ದರು.