ಕ್ರಿಕೆಟ್: ಹರ್ಮನ್‌ಪ್ರೀತ್ ಕೌರ್ ಹೋರಾಟ ವ್ಯರ್ಥ

ಅಹಮದಾಬಾದ್: ಆಸ್ಟ್ರೇಲಿಯಾ ತಂಡದವರು ಇಲ್ಲಿ ನಡೆಯುತ್ತಿರುವ ಮಹಿಳೆಯರ ಏಕದಿನ ಕ್ರಿಕೆಟ್ ಸರಣಿಯ ಮೊದಲ ಪಂದ್ಯದಲ್ಲಿ ಭಾರತ ಎದುರು 30 ರನ್‌ಗಳ ಗೆಲುವು ಸಾಧಿಸಿದ್ದಾರೆ.

ಸರ್ದಾರ್ ಪಟೇಲ್ ಕ್ರೀಡಾಂಗಣದಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾ ನೀಡಿದ 228 ರನ್‌ಗಳ ಗುರಿಗೆ ಉತ್ತರವಾಗಿ ಭಾರತ 50 ಓವರ್‌ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 197 ರನ್‌ಗಳಿಗೆ ಎಲ್ಲಾ ವಿಕೆಟ್ ಕಳೆದುಕೊಂಡಿತು.

ಆತಿಥೇಯ ತಂಡದ ಹರ್ಮನ್‌ಪ್ರೀತ್ (57; 64 ಎಸೆತ, 8 ಬೌಂಡರಿ, 1 ಸಿಕ್ಸರ್) ಹೋರಾಟ ಸಾಕಾಗಲಿಲ್ಲ. ಇದಕ್ಕೆ ಕಾರಣ ಆಸ್ಟ್ರೇಲಿಯಾ ತಂಡದ ಬೌಲರ್‌ಗಳ ಪರಿಣಾಮಕಾರಿ ಬೌಲಿಂಗ್ ದಾಳಿ.

ಇದಕ್ಕೂ ಮೊದಲು ಪ್ರವಾಸಿ ತಂಡದವರು ಕೂಡ ರನ್ ಗಳಿಸಲು ಪರದಾಡಿದರು. ಆದರೆ ನಾಯಕಿ ಜೋಡಿ ಫೀಲ್ಡ್ಸ್ (ಔಟಾಗದೆ 64; 64 ಎಸೆತ,  7 ಬೌಂಡರಿ) ಅವರ ಜವಾಬ್ದಾರಿಯುತ ಆಟದ ನೆರವಿನಿಂದ ಸವಾಲಿನ ಮೊತ್ತ ಗಳಿಸಿತು. ರುಮೇಲಿ ಧಾರ್ (53ಕ್ಕೆ4) ಭಾರತದ ಪರ ಯಶಸ್ವಿ ಬೌಲರ್ ಎನಿಸಿದರು.

ಸಂಕ್ಷಿಪ್ತ ಸೋಲು: ಆಸ್ಟ್ರೇಲಿಯಾ: 50 ಓವರ್‌ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 227 (ರಚೆಲ್ ಹೇನ್ಸ್ 41, ಮೆಗ್ ಲ್ಯಾನಿಂಗ್ 45, ಜೋಡಿ ಫೀಲ್ಡ್ಸ್ ಔಟಾಗದೆ 64; ರುಮೇಲಿ ಧಾರ್ 53ಕ್ಕೆ4);

ಭಾರತ: 50 ಓವರ್‌ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 197 (ಸುಲಕ್ಷಣಾ ನಾಯ್ಕ 22, ಪೂನಮ್ ರಾವುತ್ 36, ಹರ್ಮನ್‌ಪ್ರೀತ್ ಕೌರ್ 57, ಜೂಲನ್ ಗೋಸ್ವಾಮಿ 33; ಎಲಿಸಿ ಪೆರ‌್ರಿ 36ಕ್ಕೆ2, ಲೀಸಾ ಸ್‌ಲೇಕರ್ 25ಕ್ಕೆ2). ಫಲಿತಾಂಶ: ಆಸ್ಟ್ರೇಲಿಯಾಕ್ಕೆ 30 ರನ್‌ಗಳ ಜಯ ಹಾಗೂ ಸರಣಿಯಲ್ಲಿ 1-0 ಮುನ್ನಡೆ