ಟೆನಿಸ್: ಪ್ರೀ ಕ್ವಾರ್ಟರ್‌ಗೆ ಶಿವಾನಿ ಲಗ್ಗೆ

ಕೋಲ್ಕತ್ತ (ಐಎಎನ್‌ಎಸ್‌): ತೆಲಂಗಾಣ ದ ಶ್ರಾವ್ಯ ಸಿ. ಶಿವಾನಿ ಮಂಗಳವಾರ ಇಲ್ಲಿ ನಡೆದ ಎಐಟಿಎ ರಾಷ್ಟ್ರೀಯ ಸರಣಿ ಟೆನಿಸ್ ಟೂರ್ನಿಯಲ್ಲಿ ಪ್ರೀ ಕ್ವಾರ್ಟರ್‌ಗೆ ಲಗ್ಗೆಯಿಟ್ಟಿದ್ದಾರೆ.

18 ವರ್ಷದೊಳಗಿನವರ ಬಾಲಕಿಯರ ಸಿಂಗಲ್ಸ್ ವಿಭಾಗದಲ್ಲಿ ಶಿವಾನಿ 7–5, 6–4ರಲ್ಲಿ ಜಾರ್ಖಂಡ್‌ನ ಆವಿಷ್ಕಾ ಗುಪ್ತಾ ಅವರನ್ನು ಮಣಿಸಿದರು.
ಬಾಲಕರ ವಿಭಾಗದಲ್ಲಿ ಪಶ್ಚಿಮ ಬಂಗಾಳದ ಆಶಿಶ್‌ ಸಿನ್ಹಾ 4–6, 0–6ರಲ್ಲಿ 16ನೇ ಶ್ರೇಯಾಂಕದ ತಮಿಳುನಾಡಿನ  ಯಶವಂತ್‌ ಲೋಂಗನಾಥನ್ ಎದುರು ಸೋಲು ಅನುಭವಿಸಿದ್ದಾರೆ.