ತ್ರಿವರ್ಣ ಧ್ವಜ ಹಿಡಿದು ಮುನ್ನಡೆದ ಅಭಿನವ್‌ ಬಿಂದ್ರಾ

ರಿಯೊ ಡಿ ಜನೈರೊ: ರಿಯೊ ಒಲಿಂಪಿಕ್ಸ್‌ ಉದ್ಘಾಟನಾ ಸಮಾರಂಭದಲ್ಲಿ ತ್ರಿವರ್ಣ ಧ್ಜಜ ಹಿಡಿದ ಅಭಿನವ್‌ ಬಿಂದ್ರಾ ಅಭಿಮಾನದಿಂದ ಮುನ್ನಡೆಯುತ್ತಿದ್ದರೆ, ಇನ್ನುಳಿದ ಭಾರತದ ಕ್ರೀಡಾಪಟುಗಳು ಪುಟ್ಟ ಪುಟ್ಟ ರಾಷ್ಟ್ರಧ್ವಜ ಹಿಡಿದು ಶಿಸ್ತಿನಿಂದ ಸಾಗಿ ನೆರೆದಿದ್ದ ಕ್ರೀಡಾಭಿಮಾನಿಗಳತ್ತ ಕೈ ಬೀಸಿದರು.

ರಿಯೊ ಒಲಿಂಪಿಕ್ಸ್‌ಗೆ ಭಾರತದಿಂದ ಭಾಗವಹಿಸಿರುವ 120 ಕ್ರೀಡಾಪಟುಗಳ ತಂಡ ಉದ್ಘಾಟನಾ ಸಮಾರಂಭದಲ್ಲಿ 2008ರ ಒಲಿಂಪಿಕ್‌ ಕ್ರೀಡಾಕೂಟದಲ್ಲಿ 10 ಮೀಟರ್‌ ಏರ್‌ ರೈಫಲ್‌ ಶೂಟಿಂಗ್‌ನಲ್ಲಿ ಚಿನ್ನ ಗೆದ್ದ ಹೆಮ್ಮೆಯ ಕ್ರೀಡಾಪಟು ಅಭಿನವ್‌ ಬಿಂದ್ರಾ ಅವರ ನೇತೃತ್ವದಲ್ಲಿ ಮುನ್ನಡೆಯಿತು.