ಫ್ರೆಂಚ್ ಓಪನ್ ಟೆನಿಸ್: ಸುದೀರ್ಘ ಕಾಯುವಿಕೆಗೆ ಕೊನೆ?
ಪ್ಯಾರಿಸ್‌ (ಎಎಫ್‌ಪಿ): ಟೆನಿಸ್ ಲೋಕದ ಧ್ರುವತಾರೆ ರಫೆಲ್ ನಡಾಲ್‌ಗೆ ಭಾರಿ ಪೈಪೋಟಿ ನೀಡುತ್ತಿರುವ ಅಲೆಕ್ಸಾಂಡರ್‌ ಜ್ವೆರೆವ್ ಅವರು ಜರ್ಮನಿಯ ಸುದೀರ್ಘ ಕಾಲದ ಕಾಯುವಿಕೆಗೆ ಅಂತ್ಯ ಹಾಡುವ ಭರವಸೆ ಮೂಡಿಸಿದ್ದಾರೆ.
ಈ ವಾರದ ಕೊನೆಯಲ್ಲಿ ಆರಂಭವಾಗಲಿರುವ ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ಜ್ವೆರೆವ್ ಎರಡನೇ ಶ್ರೇಯಾಂಕದ ಆಟಗಾರನಾಗಿ ಕಣಕ್ಕೆ ಇಳಿಯಲಿದ್ದಾರೆ. ರೋಲ್ಯಾಂಡ್ ಗ್ಯಾರೋಸ್‌ನಲ್ಲಿ 81 ವರ್ಷಗಳಿಂದ ಪುರುಷರ ಸಿಂಗಲ್ಸ್ ವಿಭಾಗದ ಪ್ರಶಸ್ತಿ ಗೆಲ್ಲಲು ಸಾಧ್ಯವಾಗದ ಜರ್ಮನಿ ಈ ಬಾರಿ ಜ್ವೆರೆವ್ ಅವರು ಪ್ರಶಸ್ತಿ ಗೆಲ್ಲುವ ನಿರೀಕ್ಷೆ ಇರಿಸಿಕೊಂಡಿದೆ.
ಕಳೆದ ಭಾನುವಾರ ಮುಕ್ತಾ ಯ ಗೊಂಡ ಇಟಾ ಲಿಯನ್ ಓಪನ್ ಟೂರ್ನಿಯ ಫೈನ ಲ್‌ನಲ್ಲಿ ಸೋಲು ವುದರೊಂದಿಗೆ ನಡಾಲ್‌ಗೆ ಜ್ವೆರೆವ್ ನಿರಂ ತರ ಆರನೇ ಬಾರಿ ಶರಣಾ ದಂತಾಯಿತು. ಆದರೆ ಈ ಪಂದ್ಯ ದಲ್ಲಿ ಮೊದಲ ಸೆಟ್‌ನಲ್ಲಿ 1–6 ಹಿನ್ನಡೆ ಗಳಿಸಿದ್ದ ಅವರು ನಂತರ ಕಾದಾಡಿದ ರೀತಿ ಅಪೂರ್ವ ವಾಗಿತ್ತು. ಹೀಗಾಗಿ ಅವರ ಮೇಲೆ ಭರವಸೆ ಹೆಚ್ಚಿದೆ.
ಗ್ರ್ಯಾನ್‌ಸ್ಲ್ಯಾಮ್ ಟೂರ್ನಿಯೊಂದರಲ್ಲಿ ಈ ವರೆಗೆ ಕ್ವಾರ್ಟರ್ ಫೈನಲ್ ಹಂತಕ್ಕೂ ತಲುಪಲಾಗದ ಜ್ವೆರೆವ್ ಈಗ ಈ ವರ್ಷ ಉತ್ತಮ ಆಟ ಆಡುತ್ತ ಸಾಗುತ್ತಿದ್ದಾರೆ. ಮ್ಯಾಡ್ರಿಡ್‌ ಓಪನ್ ಟೂರ್ನಿಯಲ್ಲಿ ಅವರು ಡೊಮಿನಿಕ್‌ ಥೀಮ್ ಅವರನ್ನು ಮಣಿಸಿ ಪ್ರಶಸ್ತಿ ಗೆದ್ದಿದ್ದಾರೆ. ಈಚೆಗೆ ಒಟ್ಟು 13 ಪಂದ್ಯಗಳಲ್ಲಿ ಗೆದ್ದಿದ್ದ ಅವರ ಓಟಕ್ಕೆ ಭಾನುವಾರ ನಡಾಲ್ ತೆರೆ ಎಳೆದಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.