ಬ್ಯಾಸ್ಕೆಟ್‌ಬಾಲ್: ವಿಜಯಾ ಬ್ಯಾಂಕ್‌ಗೆ ಗೆಲುವು

ಬೆಂಗಳೂರು: ವಿಜಯಾ ಬ್ಯಾಂಕ್ ತಂಡದವರು ಪ್ರೊ. ಎನ್.ಸಿ. ಪರಪ್ಪ ಸ್ಮಾರಕ ರಾಜ್ಯ `ಎ~ ಡಿವಿಷನ್ ಬ್ಯಾಸ್ಕೆಟ್‌ಬಾಲ್ ಚಾಂಪಿಯನ್‌ಷಿಪ್‌ನ ಪಂದ್ಯದಲ್ಲಿ ಗೆಲುವು ಪಡೆದರು.

ಕಂಠೀರವ ಕ್ರೀಡಾಂಗಣದಲ್ಲಿ ಶನಿವಾರ ನಡೆದ ಪಂದ್ಯದಲ್ಲಿ ವಿಜಯಾ ಬ್ಯಾಂಕ್ 85-66ರಲ್ಲಿ ಕರ್ನಾಟಕ ರಾಜ್ಯ ಪೊಲೀಸ್ (ಕೆಎಸ್‌ಪಿ) ತಂಡವನ್ನು ಸೋಲಿಸಿತು.

ಇನ್ನೊಂದು ಪಂದ್ಯದಲ್ಲಿ ಎಚ್‌ಎಎಸ್‌ಸಿ 66-59ರಲ್ಲಿ ಸದರ್ನ್ ಬ್ಲ್ಯೂಸ್ ಎದುರು ಜಯಿಸಿತು.

ಸಿಎಂಪಿ 56-43ರಲ್ಲಿ (ವಿರಾಮದ ಸ್ಕೋರು 27-16) ಕೋರಮಂಗಲ ಸ್ಪೋರ್ಟ್ಸ್ ಕ್ಲಬ್ ಮೇಲೂ, ಎಎಸ್‌ಸಿ 49-35ರಲ್ಲಿ (25-13) ಜೆಎಸ್‌ಸಿ ಕ್ಲಬ್ ವಿರುದ್ಧವೂ ಗೆಲುವು ಸಾಧಿಸಿತು.