ಮೌಂಟ್ ಮೌಂಗಾನುಯಿ: ಆರಂಭಿಕ ಬ್ಯಾಟ್ಸ್ಮನ್ ಕಾಲಿನ್ ಮನ್ರೊ (104; 53ಎ, 3ಬೌಂ, 10ಸಿ) ಅವರ ದಾಖಲೆಯ ಶತಕದ ಬಲದಿಂದ ನ್ಯೂಜಿಲೆಂಡ್ ತಂಡ ವೆಸ್ಟ್ ಇಂಡೀಸ್ ಎದುರಿನ ಮೂರನೇ ಟ್ವೆಂಟಿ–20 ಪಂದ್ಯದಲ್ಲಿ 119ರನ್ಗಳಿಂದ ಗೆದ್ದಿದೆ.
ಇದರೊಂದಿಗೆ 3 ಪಂದ್ಯಗಳ ಸರಣಿಯನ್ನು 2–0ರಲ್ಲಿ ಕೈವಶ ಮಾಡಿಕೊಂಡಿದೆ. ಮೊದಲ ಪಂದ್ಯದಲ್ಲಿ ಕಿವೀಸ್ ನಾಡಿನ ತಂಡ ಗೆದ್ದಿತ್ತು. ಎರಡನೇ ಪಂದ್ಯ ಮಳೆಯಿಂದಾಗಿ ರದ್ದಾಗಿತ್ತು.
ಬೇ ಓವಲ್ ಮೈದಾನದಲ್ಲಿ ಬುಧವಾರ ಮೊದಲು ಬ್ಯಾಟ್ ಮಾಡಿದ ನ್ಯೂಜಿಲೆಂಡ್ 20 ಓವರ್ಗಳಲ್ಲಿ 5 ವಿಕೆಟ್ಗೆ 243ರನ್ ದಾಖಲಿಸಿತು. ಕಠಿಣ ಗುರಿ ಬೆನ್ನಟ್ಟಿದ ವಿಂಡೀಸ್ 16.3 ಓವರ್ಗಳಲ್ಲಿ 124ರನ್ಗಳಿಗೆ ಆಲೌಟ್ ಆಯಿತು.
ಶತಕದ ಆರಂಭ: ಬ್ಯಾಟಿಂಗ್ ಆರಂಭಿಸಿದ ವಿಲಿಯಮ್ಸನ್ ಪಡೆಗೆ ಮಾರ್ಟಿನ್ ಗಪ್ಟಿಲ್ (63; 38ಎ, 5ಬೌಂ, 2ಸಿ) ಮತ್ತು ಮನ್ರೊ, ಭದ್ರ ಅಡಿಪಾಯ ಹಾಕಿಕೊಟ್ಟರು. ಇವರು ಮೊದಲ ವಿಕೆಟ್ಗೆ 136ರನ್ ಸೇರಿಸಿದರು.
ಸಂಕ್ಷಿಪ್ತ ಸ್ಕೋರ್: ನ್ಯೂಜಿಲೆಂಡ್: 20 ಓವರ್ಗಳಲ್ಲಿ 5 ವಿಕೆಟ್ಗೆ 243 (ಮಾರ್ಟಿನ್ ಗಪ್ಟಿಲ್ 63, ಕಾಲಿನ್ ಮನ್ರೊ 104, ಟಾಮ್ ಬ್ರೂಸ್ 23, ಕೇನ್ ವಿಲಿಯಮ್ಸನ್ 19; ಜೆರೋಮ್ ಟೇಲರ್ 53ಕ್ಕೆ1, ಕಾರ್ಲೊಸ್ ಬ್ರಾಥ್ವೇಟ್ 50ಕ್ಕೆ2).
ವೆಸ್ಟ್ ಇಂಡೀಸ್: 16.3 ಓವರ್ಗಳಲ್ಲಿ 124 (ಆ್ಯಂಡ್ರೆ ಫ್ಲೆಚರ್ 46, ರೋಮನ್ ಪೊವೆಲ್ 16, ಕಾರ್ಲೊಸ್ ಬ್ರಾಥ್ವೇಟ್ 15, ಆ್ಯಷ್ಲೆ ನರ್ಸ್ ಔಟಾಗದೆ 14, ಜೆರೋಮ್ ಟೇಲರ್ 13; ಟಿಮ್ ಸೌಥಿ 21ಕ್ಕೆ3, ಟ್ರೆಂಟ್ ಬೌಲ್ಟ್ 29ಕ್ಕೆ2, ಕರನ್ ಕಿಚನ್ 33ಕ್ಕೆ1, ಈಶ್ ಸೋಧಿ 25ಕ್ಕೆ2).
ಫಲಿತಾಂಶ: ನ್ಯೂಜಿಲೆಂಡ್ಗೆ 119ರನ್ ಗೆಲುವು. 2–0ರಲ್ಲಿ ಸರಣಿ. ಪಂದ್ಯ ಮತ್ತು ಸರಣಿ ಶ್ರೇಷ್ಠ: ಕಾಲಿನ್ ಮನ್ರೊ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.