ಟೆನಿಸ್‌: ನಿಕ್ಷೇಪ್ ಜೋಡಿಗೆ ಪ್ರಶಸ್ತಿ

ಬೆಂಗಳೂರು: ಕರ್ನಾಟಕದ ಬಿ.ಆರ್‌.ನಿಕ್ಷೇಪ್ ಹಾಗೂ ಅಸ್ಸಾಂನ ಶೇಖ್ ಇಫ್ತಿಕಾರ್ ಜೋಡಿಯು ಹೈದರಾಬಾದ್‌ನಲ್ಲಿ ನಡೆದ ಎಐಟಿಎ ರಾಷ್ಟ್ರೀಯ ರ‍್ಯಾಂಕಿಂಗ್ ಟೆನಿಸ್ ಟೂರ್ನಿಯ ಡಬಲ್ಸ್ ವಿಭಾಗದಲ್ಲಿ ಚಾಂಪಿಯನ್ ಆಗಿ ಹೊರಹೊಮ್ಮಿದರು.

ಟೂರ್ನಿಯ ಫೈನಲ್ ಹಣಾಹಣಿಯಲ್ಲಿ ನಿಕ್ಷೇಪ್‌–ಇಫ್ತಿಕಾರ್‌ 7-6(3), 6-4ರಿಂದ ತಮಿಳುನಾಡಿನ ಇರ್ಫಾನ್ ಹುಸೇನ್‌–ಇಹಸಾನ್ ಹುಸೇನ್‌ ಎದುರು ಜಯಭೇರಿ ಮೊಳಗಿಸಿದರು.

ಕರ್ನಾಟಕ–ಅಸ್ಸಾಂ ಜೋಡಿಗೆ ಇರ್ಫಾನ್ ಹಾಗೂ ಇಹಸಾನ್‌ ಉತ್ತಮ ಸವಾಲು ಒಡ್ಡಿದರು. ಆದರೆ ಪಂದ್ಯ ಕೈವಶ ಮಾಡಿಕೊಳ್ಳುವಲ್ಲಿ ನಿಕ್ಷೇಪ್‌–ಇಫ್ತಿಕಾರ್ ಯಶಸ್ವಿಯಾದರು.