ಭಾರತ ಪ್ರವಾಸಕ್ಕೆ ಮ್ಯಾಕ್ಸ್‌ವೆಲ್‌ ಅಲಭ್ಯ?

ಮೆಲ್ಬರ್ನ್‌: ಆಸ್ಟ್ರೇಲಿಯಾದ ಆಲ್‌ರೌಂಡರ್‌ ಗ್ಲೆನ್‌ ಮ್ಯಾಕ್ಸ್‌ವೆಲ್‌ ಅವರು ಪಾದದ ನೋವಿಗೆ ವಿಶ್ರಾಂತಿ ಪಡೆಯಲು ಈ ತಿಂಗಳ ಭಾರತ ಪ್ರವಾಸ ತಪ್ಪಿಸಿಕೊಳ್ಳುವ ಸಾಧ್ಯತೆಯಿದೆ. ವಿಶ್ವಕಪ್‌ ಹತ್ತಿರದಲ್ಲಿರುವುದರಿಂದ ಮುಂಜಾಗ್ರತೆಯಾಗಿ ಈ ನಿರ್ಧಾರಕ್ಕೆ ಮುಂದಾಗಿದ್ದಾರೆ.

ಎಡಪಾದದ ನೋವಿನಿಂದಾಗಿ 34 ವರ್ಷದ ಈ ಆಟಗಾರ ದಕ್ಷಿಣ ಆಫ್ರಿಕಾ ವಿರುದ್ಧ ಟಿ–20 ಸರಣಿಯಲ್ಲೂ ಆಡಿರಲಿಲ್ಲ. ಕಳೆದ ವರ್ಷವೂ ಇದೇ ಕಾಲಿಗೆ ನೋವು ಕಾಡಿತ್ತು. 

ವಿಶ್ವಕಪ್‌ಗೆ ತಾಲೀಮು ಆಗಿ ಆಸ್ಟ್ರೇಲಿಯಾವು ಭಾರತ ವಿರುದ್ಧ ಮೂರು ಏಕದಿನ ಪಂದ್ಯಗಳನ್ನು ಆಡಲಿದ್ದು, ಮೊದಲ ಪಂದ್ಯ ಮೊಹಾಲಿಯಲ್ಲಿ ಸೆಪ್ಟೆಂಬರ್‌ 22ರಂದು ನಿಗದಿಯಾಗಿದೆ.