ಬಿಸಿಸಿಐನಲ್ಲಿ ಅಜರ್‌ ಎಚ್‌ಸಿಎ ಪ್ರತಿನಿಧಿ

ಹೈದರಾಬಾದ್: ಹೈದರಾಬಾದ್ ಕ್ರಿಕೆಟ್ ಸಂಸ್ಥೆ (ಎಚ್‌ಸಿಎ)ಯ ಅಧ್ಯಕ್ಷ ಮೊಹಮ್ಮದ್ ಅಜರುದ್ದೀನ್ ಅವರು ಬಿಸಿಸಿಐ ಸರ್ವಸದಸ್ಯರ ಸಭೆಗೆ ಹಾಜರಾಗಲಿದ್ದಾರೆ.

ಇದೇ 23ರಂದು ಮುಂಬೈನಲ್ಲಿ ಸಭೆ ನಡೆಯಲಿದೆ. ಈಚೆಗೆ ನಡೆ ದಿದ್ದ ಚುನಾವಣೆಯಲ್ಲಿ ಭಾರತ ತಂಡದ ಮಾಜಿ ನಾಯಕ ಅಜರ್ ಅಧ್ಯಕ್ಷರಾಗಿ ಆಯ್ಕೆಯಾಗಿದ್ದರು.

ರಾಜ್ಯ ಸಂಸ್ಥೆಯ ಮಾಜಿ ಅಧ್ಯಕ್ಷ ಶಿವಲಾಲ್ ಯಾದವ್ ಅಥವಾ ತಮಿಳುನಾಡಿನ ಎನ್. ಶ್ರೀನಿವಾಸನ್ ಅವರು ಎಚ್‌ಸಿಎ ಪ್ರತಿನಿಧಿಯಾಗಿ ಬಿಸಿಸಿಐ ಸಭೆಗೆ ತೆರಳುವರು ಎಂಬ ವದಂತಿ ಇತ್ತು. ಇದೀಗ ಅಜರ್ ಹೆಸರು ಅಧಿಕೃತವಾಗಿ ಘೋಷಣೆಯಾಗಿದೆ. ಅವರು ಪ್ರತಿನಿಧಿಯಾಗಿ ಭಾಗವಹಿಸುವರು. ಒಂದೊಮ್ಮೆ ಬಿಸಿಸಿಐ ಚುನಾವಣೆ ನಡೆದರೆ ಮತ ಕೂಡ ಚಲಾಯಿಸುವರು.