ಕ್ರಿಕೆಟ್‌: ಅಧ್ಯಕ್ಷರ ಇಲೆವನ್‌ಗೆ ಗೆಲುವು
ತಿರುವನಂತಪುರ: ನಾಯಕ ಇಶಾನ್‌ ಕಿಶನ್‌ (ಔಟಾಗದೆ 55; 55ಎ, 5ಬೌಂ, 4ಸಿ) ಮತ್ತು ರಿಕಿ ಭುಯಿ (51; 102ಎ, 3ಬೌಂ, 3ಸಿ) ಅವರ ಅರ್ಧಶತಕಗಳ ನೆರವಿನಿಂದ ಭಾರತದ ಮಂಡಳಿ ಅಧ್ಯಕ್ಷರ ಇಲೆವನ್‌ ತಂಡ ಎರಡು ದಿನಗಳ ‘ಟೆಸ್ಟ್‌’ ಪಂದ್ಯದಲ್ಲಿ 152ರನ್‌ಗಳಿಂದ ಇಂಗ್ಲೆಂಡ್‌ ಲಯನ್ಸ್‌ ತಂಡವನ್ನು ಪರಾಭವಗೊಳಿಸಿದೆ.
ಮೊದಲ ಇನಿಂಗ್ಸ್‌ನಲ್ಲಿ ಕಿಶನ್‌ ಪಡೆ ನಿಗದಿತ 30 ಓವರ್‌ಗಳಲ್ಲಿ 5 ವಿಕೆಟ್‌ಗೆ 134ರನ್‌ ಗಳಿಸಿತ್ತು. ಫಾಲೊ ಆನ್‌ ಪಡೆದು ದ್ವಿತೀಯ ಇನಿಂಗ್ಸ್‌ ಶುರುಮಾಡಿದ ಆತಿಥೇಯರು 59.3 ಓವರ್‌ಗಳಲ್ಲಿ 6 ವಿಕೆಟ್‌ಗೆ 246ರನ್‌ ಗಳಿಸಿ ಡಿಕ್ಲೇರ್‌ ಮಾಡಿಕೊಂಡರು. 236ರನ್‌ಗಳ ಗೆಲುವಿನ ಗುರಿ ಬೆನ್ನಟ್ಟಿದ ಸ್ಯಾಮ್‌ ಬಿಲ್ಲಿಂಗ್ಸ್‌ ನೇತೃತ್ವದ ಲಯನ್ಸ್‌ ನಿಗದಿತ 30 ಓವರ್‌ಗಳಲ್ಲಿ 2 ವಿಕೆಟ್‌ಗೆ 83ರನ್‌ ಕಲೆಹಾಕಲಷ್ಟೇ ಶಕ್ತವಾಯಿತು.
ಸಂಕ್ಷಿಪ್ತ ಸ್ಕೋರ್‌: ಇಂಗ್ಲೆಂಡ್‌ ಲಯನ್ಸ್‌, ಮೊದಲ ಇನಿಂಗ್ಸ್‌: 60 ಓವರ್‌ಗಳಲ್ಲಿ 6 ವಿಕೆಟ್‌ಗೆ 145 ಮತ್ತು 30 ಓವರ್‌ಗಳಲ್ಲಿ 2 ವಿಕೆಟ್‌ಗೆ 83 (ಸ್ಯಾಮ್‌ ಹೇನ್‌ 15, ಸ್ಯಾಮ್‌ ಬಿಲ್ಲಿಂಗ್ಸ್‌ ಔಟಾಗದೆ 36, ವಿಲ್‌ ಜಾಕ್ಸ್‌ ಔಟಾಗದೆ 21; ಅನಿಕೇತ್‌ ಚೌಧರಿ 17ಕ್ಕೆ1, ಸೌರಭ್‌ ಕುಮಾರ್‌ 23ಕ್ಕೆ1).
ಮಂಡಳಿ ಅಧ್ಯಕ್ಷರ ಇಲೆವನ್‌: ಪ್ರಥಮ ಇನಿಂಗ್ಸ್‌, 30 ಓವರ್‌ಗಳಲ್ಲಿ 5 ವಿಕೆಟ್‌ಗೆ 134 ಮತ್ತು 59.3 ಓವರ್‌ಗಳಲ್ಲಿ 6 ವಿಕೆಟ್‌ಗೆ 246 ಡಿಕ್ಲೇರ್ಡ್‌ (ಧ್ರುವ ಶೋರೆ 16, ಅಕ್ಷತ್‌ ರೆಡ್ಡಿ 49, ರಿಕಿ ಭುಯಿ 51, ರಿಂಕು ಸಿಂಗ್‌ 13, ಇಶಾನ್‌ ಕಿಶನ್‌ ಔಟಾಗದೆ 55, ಪ್ರಿಯಂ ಗರ್ಗ್‌ 26, ರಾಹುಲ್ ಚಾಹರ್‌ 35; ಜೆಮಿ ಓವರ್‌ಟನ್‌ 23ಕ್ಕೆ1, ಡ್ಯಾನಿ ಬ್ರಿಗ್ಸ್‌ 40ಕ್ಕೆ2, ಡಾಮಿನಿಕ್‌ ಬೆಸ್‌ 51ಕ್ಕೆ2, ಮ್ಯಾಥ್ಯೂ ಟಿ.ಕಾರ್ಟರ್‌ 30ಕ್ಕೆ1).
ಫಲಿತಾಂಶ: ಮಂಡಳಿ ಅಧ್ಯಕ್ಷರ ಇಲೆವನ್‌ಗೆ 152ರನ್‌ ಗೆಲುವು.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.