ಕ್ಯಾನ್ಬೆರಾ: ಅನುಭವಿ ವೇಗಿ ಮಿಚೆಲ್ ಸ್ಟಾರ್ಕ್ ಅವರು ಕ್ರಿಕೆಟ್ ಆಸ್ಟ್ರೇಲಿಯಾ (ಸಿಎ) ನೀಡುವ ‘ಅಲನ್ ಬಾರ್ಡರ್‘ ಪುರಸ್ಕಾರಕ್ಕೆ ಭಾಜನರಾಗಿದ್ದಾರೆ. ಮೊದಲ ಬಾರಿ ಅವರಿಗೆ ಈ ಗೌರವ ಸಂದಿದೆ.
ಆ್ಯಶ್ಲಿ ಗಾರ್ಡನರ್ ಅವರು ಬೆಲಿಂಡಾ ಕ್ಲಾರ್ಕ್ ಪುರಸ್ಕಾರ ಪಡೆಯುವುದರ ಮೂಲಕ ಈ ಪ್ರಶಸ್ತಿಗೆ ಭಾಜನರಾದ ಮೊದಲ ಮೂಲನಿವಾಸಿ ಆಟಗಾರ್ತಿ ಎನಿಸಿದ್ದಾರೆ.
ಕ್ರಿಕೆಟ್ನ ಮೂರು ಮಾದರಿಗಳಲ್ಲಿ ಸ್ಟಾರ್ಕ್ ತೋರಿದ ಸಾಮರ್ಥ್ಯವನ್ನು ಪರಿಗಣಿಸಿ ಈ ಪ್ರಶಸ್ತಿ ನೀಡಲಾಗಿದೆ. 22 ವರ್ಷಗಳ ಅವಧಿಯಲ್ಲಿ ಈ ಪುರಸ್ಕಾರ ಪಡೆದ ಐದನೇ ಬೌಲರ್ ಅವರು.
ವರ್ಷದುದ್ದಕ್ಕೂ ಆಟಗಾರರು, ಅಂಪೈರ್ಗಳು ಮತ್ತು ಮಾಧ್ಯಮ ಪ್ರತಿನಿಧಿಗಳು ಮಾಡಿದ ಮತಗಳ ಮೂಲಕ ವಿಜೇತರನ್ನು ನಿರ್ಧರಿಸಲಾಯಿತು. ಇಲ್ಲಿ ನಡೆಯುತ್ತಿರುವ ಮಹಿಳಾ ಆ್ಯಷಸ್ ಟೆಸ್ಟ್ನ ಭೋಜನ ವಿರಾಮದ ವೇಳೆ ಈ ಘೋಷಣೆಯನ್ನು ಮಾಡಲಾಯಿತು.
ಸಿಎವರ್ಷದ ಪ್ರಮುಖ ಪ್ರಶಸ್ತಿಗಳ ವಿಜೇತರು
ಪ್ರಶಸ್ತಿ;ಆಟಗಾರ/ಆಟಗಾರ್ತಿ
ಬೆಲಿಂಡಾ ಕ್ಲಾರ್ಕ್;ಆ್ಯಶ್ಲಿ ಗಾರ್ಡನರ್
ಅಲನ್ ಬಾರ್ಡರ್;ಮಿಚೆಲ್ ಸ್ಟಾರ್ಕ್
ಟೆಸ್ಟ್ ಆಟಗಾರ;ಟ್ರಾವಿಸ್ ಹೆಡ್
ಏಕದಿನ ಆಟಗಾರ;ಮಿಚೆಲ್ ಸ್ಟಾರ್ಕ್
ಏಕದಿನ ಆಟಗಾರ್ತಿ;ಅಲಿಸಾ ಹೀಲಿ
ಟಿ20 ಆಟಗಾರ;ಮಿಚೆಲ್ ಮಾರ್ಷ್
ಟಿ20 ಆಟಗಾರ್ತಿ;ಬೆತ್ ಮೂನಿ
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.