ಬಿಸಿಸಿಐ ಒಂಬುಡ್ಸ್‌ಮನ್‌ ಆಗಿ ಜೈನ್‌ ಮುಂದುವರಿಕೆ

ನವದೆಹಲಿ: ಭಾರತ ಕ್ರಿಕೆಟ್‌ ನಿಯಂತ್ರಣ ಮಂಡಳಿಯ (ಬಿಸಿಸಿಐ) ಒಂಬುಡ್ಸ್‌ಮನ್‌ ಹಾಗೂ ನೀತಿ ಅಧಿಕಾರಿಯಾಗಿರುವ ಡಿ.ಜೆ.ಜೈನ್‌ ಅವರು ಇನ್ನೊಂದು ವರ್ಷ ಈ ಹುದ್ದೆಗಳಲ್ಲಿ ಮುಂದುವರಿಯಲಿದ್ದಾರೆ.

2019ರ ಫೆಬ್ರುವರಿಯಲ್ಲಿ ಸುಪ್ರೀಂಕೋರ್ಟ್‌, ಜೈನ್‌ ಅವರನ್ನು ಬಿಸಿಸಿಐ ಒಂಬುಡ್ಸ್‌ಮನ್‌ ಆಗಿ ನೇಮಿಸಿತ್ತು. ಬಳಿಕ ನೀತಿ ಅಧಿಕಾರಿಯ ಜವಾಬ್ದಾರಿಯೂ ಅವರ ಹೆಗಲೇರಿತ್ತು. ಈ ವರ್ಷದ ಫೆಬ್ರುವರಿ 29ರಂದು ಅವರ ಅಧಿಕಾರಾವಧಿ ಕೊನೆಗೊಂಡಿತ್ತು.

ಹೋದ ವಾರ ಬಿಸಿಸಿಐ, ಜೈನ್‌ ಜೊತೆಗಿನ ಒಪ್ಪಂದವನ್ನು ನವೀಕರಿಸಿದೆ.