ಮಾಸ್ಕೋ (ರಾಯಿಟರ್ಸ್): ರಷ್ಯಾದ ಜೂನಿಯರ್ ಐಎಸ್ ಹಾಕಿ ತಂಡದ ಆಟಗಾರ ತೈಮುರ್ ಫೈಜುಡಿನೊವ್ ತಲೆಗೆ ಪೆಟ್ಟು ಬಿದ್ದು ಮೃತಪಟ್ಟ ಘಟನೆ ಮಂಗಳವಾರ ನಡೆದಿದೆ.
ಇಲ್ಲಿ ಆಯೋಜಿಸಲಾಗಿರುವ ರಷ್ಯಾ ಜೂನಿಯರ್ ಹಾಕಿ ಲೀಗ್ (ಎಂಎಚ್ಎಲ್) ನಲ್ಲಿ ಡೈನಮೊ ಸೇಂಟ್ ಪೀಟರ್ಸ್ಬರ್ಗ್ ತಂಡದ ಆಟಗಾರನಾಗಿದ್ದರು. ಹೋದ ಶುಕ್ರವಾರ ನಡೆದ ಪಂದ್ಯದಲ್ಲಿ ಅವರ ತಲೆಗೆ ಪಕ್ಕ್ ( ಐಸ್ ಹಾಕಿಯಲ್ಲಿ ಬಳಸಲಾಗುವ ಚೆಂಡಿನ ಬದಲು ಚಪ್ಪಟೆಯಾದ ರಬ್ಬರ್ ಸಲಕರಣೆ) ತಲೆಗೆ ಅಪ್ಪಳಿಸಿತ್ತು. 19 ವರ್ಷದ ತೈಮುರ್ ಕುಸಿದುಬಿದ್ದಿದ್ದರು. ಪಂದ್ಯ ನಡೆದ ಸ್ಥಳದಿಂದ 250 ಕಿ.ಮೀ ದೂರದ ಆಸ್ಪತ್ರೆಗೆ ಅವರನ್ನು ಕರೆದೊಯ್ದು ಚಿಕಿತ್ಸೆಗೆ ದಾಖಲಿಸಲಾಗಿತ್ತು. ಆದರೆ, ಮೂರು ದಿನಗಳ ನಂತರ ಮೃತಪಟ್ಟಿದ್ದಾರೆ ಎಂದು ತಂಡದ ಮೂಲಗಳು ತಿಳಿಸಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.