ರಾಜ್ಯ ಮಹಿಳಾ ಕ್ರಿಕೆಟ್ ತಂಡದ ಆಯ್ಕೆ ಸಮಿತಿಯ ಮುಖ್ಯಸ್ಥರಾಗಿ ಗಾಯತ್ರಿ ನೇಮಕ

ಬೆಂಗಳೂರು: ಕೆ.ಆರ್‌.ಗಾಯತ್ರಿ ಅವರು ರಾಜ್ಯ ಸೀನಿಯರ್‌ ಮಹಿಳಾ ಕ್ರಿಕೆಟ್ ತಂಡದ ಆಯ್ಕೆ ಸಮಿತಿಯ ಮುಖ್ಯಸ್ಥೆಯಾಗಿ ಶನಿವಾರ ನೇಮಕಗೊಂಡಿದ್ದಾರೆ.

ಡಾ. ನಿವೇದಿತಾ ರೇಷ್ಮೆ, ಆಶ್ರಯಿ ಎನ್‌ ರಾಮ್‌ ಹಾಗೂ ಲೀನಾ ಪ್ರಸಾದ್‌ ಅವರು ಸಮಿತಿಯಲ್ಲಿ ಸದಸ್ಯರಾಗಿ ಸ್ಥಾನ ಪಡೆದಿದ್ದಾರೆ ಎಂದು ರಾಜ್ಯ ಕ್ರಿಕೆಟ್ ಸಂಸ್ಥೆಯು ಪ್ರಕಟಣೆಯಲ್ಲಿ ತಿಳಿಸಿದೆ.

ಶ್ರೀನಿವಾಸ ಮೂರ್ತಿ, ಜಾನವಿ ದೇಸಾಯಿ, ಜಯಶ್ರೀ ಡಿ., ಜಾನವಿ ನರಸಿಂಹ ಹಾಗೂ ರುತ್‌ ಮಾಬೆನ್‌ ಅವರು ಮಹಿಳಾ ಕ್ರಿಕೆಟ್‌ ಸಮಿತಿಗೆ ಆಯ್ಕೆಯಾಗಿದ್ದಾರೆ. 

ಕಿರಿಯರ ತಂಡದ ಆಯ್ಕೆ ಸಮಿತಿಗೆ ಮಾಲಾ ಸುಂದರೇಶನ್‌ (ಮುಖ್ಯಸ್ಥೆ), ಸಬಾ ಸಿದ್ದೀಕ್‌, ಪಿ.ಜೆ.ಹೇಮಲತಾ ಹಾಗೂ ಸ್ಫೂರ್ತಿ ಪಾರ್ವತಿಕಾರ್‌ ಅವರು ನೇಮಕಗೊಂಡಿದ್ದಾರೆ.