ರಣಜಿ ಸೆಮಿಫೈನಲ್ | ಕರ್ನಾಟಕ ತಂಡಕ್ಕೆ ಬಂಗಾಳ, ಗುಜರಾತ್‌ಗೆ ಸೌರಾಷ್ಟ್ರ ಎದುರಾಳಿ
ಜಮ್ಮು:2019–20ನೇ ಸಾಲಿನ ರಣಜಿ ಕ್ರಿಕೆಟ್‌ ಟೂರ್ನಿಯಮೊದಲಸೆಮಿಫೈನಲ್‌ಗೆ ಗುಜರಾತ್‌, ಬಂಗಾಳ, ಕರ್ನಾಟಕ ಮತ್ತುಸೌರಾಷ್ಟ್ರ ತಂಡಗಳು ಪ್ರವೇಶ ಪಡೆದುಕೊಂಡಿವೆ.
ಮೊದಲ ಕ್ವಾರ್ಟರ್‌ ಫೈನಲ್‌ನ ವಿಜಯಿ ಗುಜರಾತ್‌ಗೆ ನಾಲ್ಕನೇ ಕ್ವಾರ್ಟರ್‌ನಲ್ಲಿ ಇನಿಂಗ್ಸ್ ಮುನ್ನಡೆ ಪಡೆದಿರುವ ಸೌರಾಷ್ಟ್ರ ಎದುರಾಗಲಿದೆ. ಈ ಪಂದ್ಯ ಗುಜರಾತ್‌ನ ರಾಜ್‌ಕೋಟ್‌ನಲ್ಲಿ ನಡೆಯಲಿದೆ.
ಇನ್ನೊಂದು ಸೆಮಿಫೈನಲ್‌ನಲ್ಲಿ, ಎರಡನೇ ಕ್ವಾರ್ಟರ್‌ಫೈನಲ್‌ನಲ್ಲಿ ಇನಿಂಗ್ಸ್ ಮುನ್ನಡೆ ಸಾಧಿಸಿರುವ ಬಂಗಾಳ ಮತ್ತು ಮೂರನೇ ಕ್ವಾರ್ಟರ್‌ಫೈನಲ್‌ನಲ್ಲಿ ಗೆಲುವು ಸಾಧಿಸಿರುವ ಕರ್ನಾಟಕ ಕಣಕ್ಕಿಳಿಯಲಿವೆ. ಈ ಪಂದ್ಯ ಕೋಲ್ಕತ್ತದಲ್ಲಿ ನಡೆಯಲಿವೆ. ಈ ಎರಡೂ ಪಂದ್ಯಗಳು ಫೆಬ್ರುವರಿ 29ರಿಂದ ಮಾರ್ಚ್‌ 04ರ ವರೆಗೆ ನಡೆಯಲಿವೆ.
ಕ್ವಾರ್ಟರ್‌ಫೈನಲ್‌ ಫಲಿತಾಂಶಗಳು
ಲೀಗ್‌ ಹಂತದಲ್ಲಿಎಲೈಟ್‌ ಎ ಮತ್ತು ಬಿ ಗುಂಪಿನ ಅಗ್ರಸ್ಥಾನಿ ಗುಜರಾತ್‌ ತಂಡ,ಪ್ಲೇಟ್‌ ಗುಂಪಿನ ಅಗ್ರಸ್ಥಾನಿ ಗೋವಾ ವಿರುದ್ಧ ಮೊದಲಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಬರೋಬ್ಬರಿ 464 ರನ್ ಅಂತರದ ಗೆಲುವು ಸಾಧಿಸಿತು. ಇದರೊಂದಿಗೆ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿತು.
ಸ್ಕೋರ್‌ ವಿವರ
ಗುಜರಾತ್‌:ಮೊದಲ ಇನಿಂಗ್ಸ್ 602ಕ್ಕೆ ಆಲೌಟ್ ಮತ್ತು ಎರಡನೇ ಇನಿಂಗ್ಸ್6 ವಿಕೆಟ್ ನಷ್ಟಕ್ಕೆ 199 ರನ್
ಗೋವಾ:ಮೊದಲ ಇನಿಂಗ್ಸ್ 173ಕ್ಕೆ ಮತ್ತುಎರಡನೇ ಇನಿಂಗ್ಸ್ 164ಕ್ಕೆಆಲೌಟ್
ಬಂಗಾಳ ಹಾಗೂ ಒಡಿಶಾ ತಂಡಗಳ ನಡುವಣ ಎರಡನೇ ಕ್ವಾರ್ಟರ್‌ ಫೈನಲ್‌ ಪಂದ್ಯ ಡ್ರಾನಲ್ಲಿ ಅಂತ್ಯವಾಯಿತು. ಮೊದಲು ಬ್ಯಾಟಿಂಗ್‌ ಮಾಡಿದ ಬಂಗಾಳ 332 ರನ್ ಕಲೆಹಾಕಿತ್ತು. ಆದರೆ, ಇನಿಂಗ್ಸ್ ಮುನ್ನಡೆ ಆಧಾರದಲ್ಲಿ ಬಂಗಾಳ ಮುಂದಿನ ಹಂತಕ್ಕೆ ತಲುಪಿದೆ.
ಸ್ಕೋರ್‌ ವಿವರ
ಬಂಗಾಳ:ಮೊದಲ ಇನಿಂಗ್ಸ್ 332ಕ್ಕೆ ಆಲೌಟ್ ಮತ್ತು ಎರಡನೇ ಇನಿಂಗ್ಸ್373ಕ್ಕೆಆಲೌಟ್
ಒಡಿಶಾ:ಮೊದಲ ಇನಿಂಗ್ಸ್ 250ಕ್ಕೆಆಲೌಟ್ ಮತ್ತುಎರಡನೇ ಇನಿಂಗ್ಸ್ ವಿಕೆಟ್ ನಷ್ಟವಿಲ್ಲದೆ 39ರನ್
ಮೂರನೇ ಕ್ವಾರ್ಟರ್‌ ಫೈನಲ್‌ ಪಂದ್ಯದಲ್ಲಿ ಜಮ್ಮು ಕಾಶ್ಮೀರ ವಿರುದ್ಧ 167 ರನ್ ಅಂತರದ ಜಯ ಸಾಧಿಸಿದಕರ್ನಾಟಕ ತಂಡ ನಾಲ್ಕರ ಘಟ್ಟಕ್ಕೆ ಪ್ರವೇಶ ಪಡೆದಿದೆ.
ಸ್ಕೋರ್‌ ವಿವರ
ಕರ್ನಾಟಕ: ಮೊದಲ ಇನಿಂಗ್ಸ್ 206ಕ್ಕೆ ಆಲೌಟ್ ಮತ್ತು ಎರಡನೇ ಇನಿಂಗ್ಸ್316ಕ್ಕೆಆಲೌಟ್
ಜಮ್ಮು ಕಾಶ್ಮೀರ:ಮೊದಲ ಇನಿಂಗ್ಸ್ 192ಕ್ಕೆಆಲೌಟ್ ಮತ್ತು ಎರಡನೇ ಇನಿಂಗ್ಸ್ 163ಕ್ಕೆ ಆಲೌಟ್
ಸೌರಾಷ್ಟ್ರ ಮತ್ತು ಆಂಧ್ರ ಪ್ರದೇಶ ನಡುವಣ ನಾಲ್ಕನೇ ಕ್ವಾರ್ಟರ್‌ ಫೈನಲ್‌ ಡ್ರಾನಲ್ಲಿ ಅಂತ್ಯವಾಯಿತು. ಆದರೆ, ಮೊದಲ ಇನಿಂಗ್ಸ್‌ನಲ್ಲಿ ಮುನ್ನಡೆ ಸಾಧಿಸಿದ್ದ ಸೌರಾಷ್ಟ್ರ ಸೆಮಿಗೆ ಲಗ್ಗೆ ಇಟ್ಟಿದೆ.
ಸ್ಕೋರ್‌ ವಿವರ
ಸೌರಾಷ್ಟ್ರ:ಮೊದಲ ಇನಿಂಗ್ಸ್ 419ಕ್ಕೆ ಆಲೌಟ್ ಮತ್ತು ಎರಡನೇ ಇನಿಂಗ್ಸ್426ಕ್ಕೆಆಲೌಟ್
ಆಂಧ್ರ ಪ್ರದೇಶ:ಮೊದಲ ಇನಿಂಗ್ಸ್ 136ಕ್ಕೆಆಲೌಟ್ ಮತ್ತುಎರಡನೇ ಇನಿಂಗ್ಸ್ 149ಕ್ಕೆ 4 ವಿಕೆಟ್
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.