ನಿಧಾನಗತಿಯ ಓವರ್‌: ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ಭಾರತ ತಂಡಕ್ಕೆ ದಂಡ

ದುಬೈ: ದಕ್ಷಿಣ ಆಫ್ರಿಕಾ ವಿರುದ್ಧ ರಾಯಪುರದಲ್ಲಿ ನಡೆದ ಏಕದಿನ ಸರಣಿಯ ಎರಡನೇ ಪಂದ್ಯದಲ್ಲಿ ನಿಯಮಿತ ಅವಧಿಯೊಳಗೆ ಕಡಿಮೆ ಓವರುಗಳನ್ನು ಮಾಡಿದ್ದಕ್ಕೆ ಭಾರತ ತಂಡಕ್ಕೆ ಸೋಮವಾರ ಪಂದ್ಯ ಸಂಭಾವನೆಯ ಶೇ 10ರಷ್ಟನ್ನು ದಂಡವಾಗಿ ವಿಧಿಸಲಾಗಿದೆ.

ಡಿಸೆಂಬರ್ 3ರಂದು ನಡೆದ ಆ ಪಂದ್ಯವನ್ನು ದಕ್ಷಿಣ ಆಫ್ರಿಕಾ ಗೆದ್ದುಕೊಂಡು ಮೂರು ಪಂದ್ಯಗಳ ಸರಣಿ 1–1 ಸಮಮಾಡಿಕೊಂಡಿತ್ತು. ಕೆ.ಎಲ್‌.ರಾಹುಲ್ ಸಾರಥ್ಯದ  ಭಾರತ ತಂಡವು ವಿಶಾಖಪಟ್ಟಣದಲ್ಲಿ ನಡೆದ ಕೊನೆಯ ಪಂದ್ಯ ಗೆದ್ದು ಸರಣಿ ಕೈವಶ ಮಾಡಿಕೊಂಡಿತ್ತು.