ದಾಖಲೆ ಬರೆದ ದಕ್ಷಿಣ ಆಫ್ರಿಕಾ

ಕ್ಯಾನ್‌ಬೆರಾ : ದಕ್ಷಿಣ ಆಫ್ರಿಕಾ ತಂಡ, ಮಹಿಳಾ ಟ್ವೆಂಟಿ–20 ವಿಶ್ವಕಪ್‌ ಕ್ರಿಕೆಟ್‌ ಟೂರ್ನಿಯಲ್ಲಿ ಅತಿ ಹೆಚ್ಚು ಮೊತ್ತ ಕಲೆಹಾಕಿ ದಾಖಲೆ ಬರೆದಿದೆ.

ಶುಕ್ರವಾರ ನಡೆದ ಥಾಯ್ಲೆಂಡ್‌ ವಿರುದ್ಧದ ಪಂದ್ಯದಲ್ಲಿ ಹರಿಣಗಳ ತಂಡ ಈ ಸಾಧನೆ ಮಾಡಿದೆ.

ಮೊದಲು ಬ್ಯಾಟ್‌ ಮಾಡಿದ ದಕ್ಷಿಣ ಆಫ್ರಿಕಾ ತಂಡವು ಲಿಜೆಲ್‌ ಲೀ (101; 60ಎ, 16ಬೌಂ, 3ಸಿ) ಅವರ ಸ್ಫೋಟಕ ಬ್ಯಾಟಿಂಗ್‌ ಬಲದಿಂದ 20 ಓವರ್‌ಗಳಲ್ಲಿ 3 ವಿಕೆಟ್‌ಗೆ 195ರನ್‌ ಕಲೆಹಾಕಿತು. ಲೀ ಅವರು ಚುಟುಕು ಮಾದರಿಯಲ್ಲಿ ಚೊಚ್ಚಲ ಶತಕ ದಾಖಲಿಸಿದರು. ಶಬನೀಮ್‌ ಇಸ್ಲಾಯಿಲ್‌ (8ಕ್ಕೆ3) ಮತ್ತು ಸ್ಯೂನ್‌ ಲೂಸ್‌ (15ಕ್ಕೆ3) ಅವರ ದಾಳಿಗೆ ಕಂಗೆಟ್ಟ ಥಾಯ್ಲೆಂಡ್‌ 19.1 ಓವರ್‌ಗಳಲ್ಲಿ 82ರನ್‌ಗಳಿಗೆ ಆಲೌಟ್‌ ಆಯಿತು.