ಬಿಡಿಎಫ್‌ಎ ‘ಬಿ’ ಡಿವಿಷನ್ ಲೀಗ್ 26ರಿಂದ
ಬೆಂಗಳೂರು: ಬಿಡಿಎಫ್‌ಎ (ಬೆಂಗಳೂರು ಜಿಲ್ಲಾ ಫುಟ್‌ಬಾಲ್ ಸಂಸ್ಥೆ) ಬೆಂಗಳೂರು ಬ್ಲೂಸ್ ಕಪ್‌ಗಾಗಿ ಆಯೋಜಿಸುವ ‘ಬಿ’ ಡಿವಿಷನ್ ಲೀಗ್ ಚಾಂಪಿಯನ್‌ಷಿಪ್‌ ಇದೇ 26ರಿಂದ ಆರ್‌ಬಿಎಎನ್‌ಎಂಎಸ್ ಮೈದಾನದಲ್ಲಿ ನಡೆಯಲಿದೆ.
ಒಟ್ಟು 15 ತಂಗಳನ್ನು ಎರಡು ಗುಂಪುಗಳಾಗಿ ವಿಂಗಡಿಸಲಾಗಿದ್ದು ‘ಎ’ ಗುಂಪಿನಲ್ಲಿ ಸನ್‌ರೈಸ್, ಗೋವನ್ಸ್, ವೆಹಿಕಲ್ಸ್, ಡಿವೈಇಎಸ್‌, ಬೆಂಗಳೂರು ಮಾರ್ಸ್, ಫ್ರೆಂಡ್ಸ್ ಯುನೈಟೆಡ್‌, ಸೌತ್ ಇಂಡಿಯಾ ಮತ್ತು ತಿಲಕ್ ಮೆಮೋರಿಯಲ್ ಎಫ್‌ಸಿ ತಂಡಗಳು ಇವೆ. ‘ಬಿ’ ಗುಂಪಿನಲ್ಲಿ ಎಚ್‌ಎಎಲ್, ಶ್ರೀ ಗಜಾನನ, ಮೊಹಮ್ಮದ್ ಸ್ಪೋರ್ಟಿಂಗ್‌, ರೆಬೆಲ್ಸ್‌, ಆರ್‌.ಎಸ್‌.ಸ್ಪೋರ್ಟ್ಸ್‌, ಬ್ಲಿಟ್ಜ್‌, ರಾಯಲ್ಸ್‌ ತಂಡಗಳು ಇವೆ.
ಪ್ರತಿದಿನ ಮಧ್ಯಾಹ್ನ 2 ಮತ್ತು 3.30ಕ್ಕೆ ಪಂದ್ಯಗಳು ಇರುತ್ತವೆ. ಮೊದಲ ದಿನ ಫ್ರೆಂಡ್ಸ್ ಯುನೈಟೆಡ್‌ ಮತ್ತು ಗೋವನ್ಸ್ ಎಫ್‌ಸಿ ತಂಡಗಳು ಮೊದಲ ಪಂದ್ಯದಲ್ಲೂ ಸೌತ್ ಇಂಡಿಯಾ ಮತ್ತು ಬೆಂಗಳೂರು ಮಾರ್ಸ್ ತಂಡಗಳು ಎರಡನೇ ಪಂದ್ಯದಲ್ಲೂ ಸೆಣಸಲಿವೆ ಎಂದು ಪ್ರಕಟಣೆ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.