ಫುಟ್‌ಬಾಲ್‌: ಬೆಂಗಳೂರು ಎಫ್‌ಸಿಗೆ ಗೆಲುವು
ಎಫ್‌ಸಿ ಬೆಂಗಳೂರು ಯುನೈಟೆಡ್‌ ಪರ ಗೆಲುವಿನ ಗೋಲು ಬಾರಿಸಿದ ನಿಖಿಲ್‌ರಾಜ್‌ ಮುರುಗೇಶ್‌ ಕುಮಾರ್ (ನಂಬರ್‌ 10) ಅವರನ್ನು ಸಹ ಆಟಗಾರರು ಅಭಿನಂದಿಸಿದರು
–ಪ್ರಜಾವಾಣಿ ಚಿತ್ರ: ಪುಷ್ಕರ್‌ ವಿ.
ಬೆಂಗಳೂರು: ಸಾಂಘಿಕ ಆಟದ ಪ್ರದರ್ಶಿಸಿದ ಬೆಂಗಳೂರು ಎಫ್‌ಸಿ ತಂಡವು ಕೆಎಸ್‌ಎಫ್‌ಎ ಸೂಪರ್‌ ಡಿವಿಷನ್‌ ಫುಟ್‌ಬಾಲ್‌ ಲೀಗ್‌ ಚಾಂಪಿಯನ್‌ಷಿಪ್‌ನ ಪಂದ್ಯದಲ್ಲಿ ಭಾನುವಾರ 3-0 ಗೋಲುಗಳಿಂದ ಎಎಸ್‌ಸಿ ಅಂಡ್ ಸೆಂಟರ್‌ ತಂಡವನ್ನು ಮಣಿಸಿತು.
ಬೆಂಗಳೂರು ಫುಟ್‌ಬಾಲ್‌ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಬಿಎಫ್‌ಸಿ ಪರ ಸೆರ್ಟೊ ವೊರ್ನೆಲೆನ್ ಕೋಮ್ (29ನೇ ನಿ), ಮೊಹಮ್ಮದ್‌ ಅಬ್ಬಾಸ್‌ (54ನೇ) ಮತ್ತು ಟಾವೊರೆಮ್ ಕೆಲ್ವಿನ್ ಸಿಂಗ್ (90ನೇ) ಗೋಲು ಗಳಿಸಿದರು.
ಮತ್ತೊಂದು ಪಂದ್ಯದಲ್ಲಿ ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡವು 1–0 ಗೋಲಿನಿಂದ ಎಂಇಜಿ ಅಂಡ್ ಸೆಂಟರ್‌ ಎಫ್‌ಸಿ ತಂಡವನ್ನು ಸೋಲಿಸಿತು. ಯುನೈಟೆಡ್‌ ತಂಡದ ನಿಖಿಲ್‌ ರಾಜ್‌ ಮುರುಗೇಶ್‌ ಕುಮಾರ್ (24ನೇ) ಏಕೈಕ ಗೋಲು ದಾಖಲಿಸಿದರು.
ಇನ್ನೊಂದು ಪಂದ್ಯದಲ್ಲಿ ರೆಬೆಲ್ಸ್‌ ಎಫ್‌ಸಿ ತಂಡವು 1–0 ಗೋಲಿನಿಂದ ಭಾರತ್‌ ಬೆಂಗಳೂರು ಎಫ್‌ಸಿ ತಂಡವನ್ನು ಮಣಿಸಿತು. ರೆಬೆಲ್ಸ್‌ ತಂಡದ ಸಾಹಿಲ್ ರಶೀದ್ ದಾರ್ (35ನೇ) ಗೆಲುವಿನ ಗೋಲು ಬಾರಿಸಿದರು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.