ನಿರಾಶದಾಯಕ ಪ್ರದರ್ಶನ: ಕೋಚ್‌ ವಜಾ ಮಾಡಿದ ಬ್ರೆಜಿಲ್ ಫುಟ್‌ಬಾಲ್ ತಂಡ

ಸಾವೊ ಪೌಲೊ: ಕೆಲವು ಪಂದ್ಯಗಳಲ್ಲಿ ನಿರಾಶಾದಾಯಕ ಫಲಿತಾಂಶಗಳ ನಂತರ ಫುಟ್‌ಬಾಲ್ ಕೋಚ್‌ ಡೊರಿವಲ್ ಜೂನಿಯರ್ ಅವರನ್ನು ರಾಷ್ಟ್ರೀಯ ತಂಡದ ಕೋಚ್‌ ಸ್ಥಾನದಿಂದ ಬ್ರೆಜಿಲ್ ಕೈಬಿಟ್ಟಿದೆ.

ಬ್ಯೂನೊ ಏರ್ಸ್‌ನಲ್ಲಿ ನಡೆದ ವಿಶ್ವಕಪ್ ಅರ್ಹತಾ ಪಂದ್ಯದಲ್ಲಿ ಅರ್ಜೆಂಟೀನಾ ಕೈಲಿ 4–1 ರಿಂದ ಸೋಲನುಭವಿಸಿತ್ತು. 62 ವರ್ಷ ವಯಸ್ಸಿನ 14 ತಿಂಗಳಿಂದ ಈ ಹುದ್ದೆಯಲ್ಲಿದ್ದರು. ಅವರ ತರಬೇತಿಯಡಿ ಬ್ರೆಜಿಲ್ ಏಳು ಗೆದ್ದು, ಏಳು ಡ್ರಾ ಮಾಡಿಕೊಂಡಿದೆ. ಎರಡು ಸೋತಿದೆ. ಆದರೆ ಕೊನೆಯ ನಾಲ್ಕು ಪಂದ್ಯಗಳಲ್ಲಿ ಒಂದು ಮಾತ್ರ ಗೆದ್ದಿದೆ.

2026ರ ವಿಶ್ವಕಪ್‌ಗೆ ದಕ್ಷಿಣ ಅಮೆರಿಕನ್ ಅರ್ಹತಾ ಸುತ್ತಿನಲ್ಲಿ ಬ್ರೆಜಿಲ್ ಐದನೇ ಸ್ಥಾನದಲ್ಲಿದೆ. ಅಗ್ರ ಆರು ತಂಡಗಳು ಅರ್ಹತೆ ಪಡೆಯುತ್ತವೆ.