ಫುಟ್‌ಬಾಲ್ ಟೂರ್ನಿ: ಭಾರತ–ಅಫ್ಗನ್ ಪಂದ್ಯ ಗೋಲಿಲ್ಲದೇ ಡ್ರಾ

ಹಿಸೋರ್‌ (ತಾಜಿಕಿಸ್ತಾನ): ಭಾರತ ತಂಡದವರು ಪಾಲಿಗೆ ಬಂದ ಅವಕಾಶಗಳನ್ನು ಸದುಪಯೋಗ ಪಡಿಸಿಕೊಳ್ಳಲು ವಿಫಲರಾದರು. ಹೀಗಾಗಿ ಗುರುವಾರ ನಡೆದ ಸಿಎಎಫ್‌ಎ ನೇಷನ್ಸ್‌ ಕಪ್‌ ಫುಟ್‌ಬಾಲ್ ಟೂರ್ನಿಯಲ್ಲಿ ಅಫ್ಗಾನಿಸ್ತಾನ ವಿರುದ್ಧ ಗೋಲಿಲ್ಲದೇ ಡ್ರಾ ಮಾಡಿಕೊಳ್ಳಬೇಕಾಯಿತು.

ಭಾರತ ‘ಬಿ’ ಗುಂಪಿನಲ್ಲಿ 3 ಪಂದ್ಯಗಳಿಂದ 4 ಪಾಯಿಂಟ್ಸ್‌ ಕಲೆಹಾಕಿತು. ಇದಕ್ಕೆ ಮೊದಲಿನ ಪಂದ್ಯಗಳಲ್ಲಿ ತಾಜಿಕಿಸ್ತಾನ ವಿರುದ್ಧ ಜಯಗಳಿಸಿದ ಭಾರತ, ಇರಾನ್‌ಗೆ ಸೋತಿತ್ತು.

ಇರಾನ್– ತಾಜಿಕಿಸ್ತಾನ ನಡುವಣ ಪಂದ್ಯದ ಫಲಿತಾಂಶದ ಮೇಲೆ ಭಾರತದ ಭವಿಷ್ಯ ನಿರ್ಧಾರವಾಗಲಿದೆ. ಪ್ರಬಲ ಇರಾನ್ ಗೆದ್ದಲ್ಲಿ ಭಾರತ ಗುಂಪಿನಲ್ಲಿ ಎರಡನೇ ಸ್ಥಾನ ಪಡೆದು ಮುಂದಿನ ಹಂತಕ್ಕೆ ಮುನ್ನಡೆಯಬಹುದು.