ಫುಟ್‌ಬಾಲ್‌: ಮಾತೃ ಪ್ರತಿಷ್ಠಾನಕ್ಕೆ ಜಯ

ಬೆಂಗಳೂರು: ಮಾತೃ ಪ್ರತಿಷ್ಠಾನ ಫುಟ್‌ಬಾಲ್‌ ಕ್ಲಬ್‌ ತಂಡವು ಕರ್ನಾಟಕ ರಾಜ್ಯ ಫುಟ್‌ಬಾಲ್ ಸಂಸ್ಥೆ (ಕೆಎಸ್‌ಎಫ್‌ಎ) ಆಶ್ರಯದಲ್ಲಿ ನಡೆಯುತ್ತಿರುವ ಕರ್ನಾಟಕ ಮಹಿಳೆಯರ ಲೀಗ್‌ನಲ್ಲಿ 1–0 ಯಿಂದ ಪಾಸ್‌ ಫುಟ್‌ಬಾಲ್‌ ಕ್ಲಬ್‌ ತಂಡವನ್ನು ಸೋಲಿಸಿತು.

ಮಾತೃ ಎಫ್‌ಸಿ ಪರ ಸಂತೋಷ್‌ (80ನೇ ನಿ) ಏಕೈಕ ಗೋಲು ದಾಖಲಿಸಿದರು.

ತೀವ್ರ ಪೈಪೋಟಿಯಿಂದ ಕೂಡಿದ್ದ ರೆಬೆಲ್‌ ವುಮೆನ್ಸ್‌ ಮತ್ತು ಪಿಂಕ್‌ ಪ್ಯಾಂಥರ್ಸ್‌ ನಡುವಿನ ಪಂದ್ಯವು 1–1ರಿಂದ ಡ್ರಾ ಕಂಡಿತು. ರೆಬೆಲ್‌ ಪರ ಸಂಸ್ಕೃತಿ (90ನೇ ನಿ) ಮತ್ತು ಪ್ಯಾಂಥರ್ಸ್‌ ಪರ ಮಾನಸಾ ಕೆ. 89ನೇ ನಿಮಿಷದಲ್ಲಿ ಗೋಲು ದಾಖಲಿದರು.