ಯುನೈಟೆಡ್ ಸ್ಟಾರ್ಸ್‌ಗೆ ಗೆಲುವು
Published 29 ಸೆಪ್ಟೆಂಬರ್ 2025, 16:11 IST
ಸೌತ್‌ ಯುನೈಟೆಡ್ ಎಫ್‌ಸಿ ತಂಡದ ಯುಹಾನ್ ಕೆ. ಕುರುವಿಲ್ಲಾ (ಎಡ) ಮತ್ತು ಅಗ್ನಿಪುತ್ರ ತಂಡದ ರಿಸ್ವಾನ್‌ ಅಲಿ ಅವರು ಚೆಂಡಿಗಾಗಿ ಸೆಣಸಾಟ ನಡೆಸಿದರು –ಪ್ರಜಾವಾಣಿ ಚಿತ್ರ: ಬಿ.ಕೆ. ಜನಾರ್ದನ
ಬೆಂಗಳೂರು: ಕವಿಯರಸನ್ ಕೆ. ಅವರ ಹ್ಯಾಟ್ರಿಕ್‌ ಗೋಲುಗಳ ನೆರವಿನಿಂದ ಯುನೈಟೆಡ್ ಸ್ಟಾರ್ಸ್‌ ಎಫ್‌ಸಿ ತಂಡವು ಕೆಎಸ್‌ಎಫ್‌ಎ ಸೂಪರ್‌ ಡಿವಿಷನ್‌ ಲೀಗ್‌ ಫುಟ್‌ಬಾಲ್‌ ಚಾಂಪಿಯನ್‌ಷಿಪ್‌ನ ಪಂದ್ಯದಲ್ಲಿ 3–2ರಿಂದ ಕೊಡಗು ಎಫ್‌ಸಿ ತಂಡವನ್ನು ಮಣಿಸಿತು.
ಬೆಂಗಳೂರು ಫುಟ್‌ಬಾಲ್‌ ಕ್ರೀಡಾಂಗಣದಲ್ಲಿ ನಡೆದ ಪಂದ್ಯದಲ್ಲಿ ಕವಿಯರಸನ್ ಅವರು (17ನೇ, 34ನೇ ಮತ್ತು 45+2ನೇ ನಿಮಿಷ) ಮೂರು ಗೋಲು ಗಳಿಸಿದರು. ಕೊಡಗು ಪರ ಲಾಲ್‌ಕ್ರಾಸ್ಮಾವಿಯಾ (11 ಮತ್ತು 90ನೇ) ಎರಡು ಗೋಲು ತಂದಿತ್ತರು.
ಇತರ ಪಂದ್ಯದಲ್ಲಿ ಎಫ್‌ಸಿ ಅಗ್ನಿಪುತ್ರ ತಂಡವು 2–2ರಿಂದ ಸೌತ್‌ ಯುನೈಟೆಡ್ ಎಫ್‌ಸಿ ತಂಡದೊಂದಿಗೆ ಡ್ರಾ ಸಾಧಿಸಿತು. ಕಿಕ್‌ಸ್ಟಾರ್ಟ್‌ ಎಫ್‌ಸಿ ತಂಡವು 1–0ಯಿಂದ ಎಚ್‌ಎಎಲ್‌ ಎಫ್‌ಸಿ ತಂಡವನ್ನು ಮಣಿಸಿತು.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.