ಭಾರತದ ಆರ್ಚರ್‌ಗಳಿಗೆ ನಿರಾಸೆ
ವಿಶ್ವಕಪ್‌ ಎರಡನೇ ಹಂತದ ಆರ್ಚರಿ
Published 10 ಮೇ 2019, 19:09 IST
ಶಾಂಘೈ: ಆರ್ಚರಿ ವಿಶ್ವಕಪ್‌ ಎರಡನೇ ಹಂತದ ಟೂರ್ನಿಯಲ್ಲಿ ಭಾರತ ಸ್ಪರ್ಧಿಗಳು ಕಳಪೆ ಸಾಮರ್ಥ್ಯ ತೋರಿದ್ದಾರೆ. ಪದಕದ ಭರವಸೆ ಮೂಡಿಸಿದ್ದ ರಿಕರ್ವ್‌ ಹಾಗೂ ಕಾಂಪೌಂಡ್‌ ಮಿಶ್ರ ತಂಡಗಳು ಸೋತು ಹೊರಬಿದ್ದಿವೆ. ಆ ಮೂಲಕ ಭಾರತೀಯರು ಒಂದೂ ಪದಕ ಗೆಲ್ಲದೆ ಹಿಂದಿರುಗಿದ್ದಾರೆ.
ರಿಕರ್ವ್‌ ವಿಭಾಗದಲ್ಲಿ ಜಗದೀಶ್‌ – ಪ್ರೀತಿ ಜೋಡಿ ಅಮೆರಿಕಾದ ಬ್ರ್ಯಾಡಿ ಎಲಿಸನ್‌ – ಎರಿನ್‌ ಮಿಕಲ್‌ಬರಿ ವಿರುದ್ಧ ಸೋತರು.
ಆ ಬಳಿಕ ಕಾಂಪೌಂಡ್‌ ವಿಭಾಗದ ಮಿಶ್ರ ತಂಡದಲ್ಲಿದ್ದ ಪ್ರವೀಣ್‌ಕುಮಾರ್‌–ಪರ್ವೀನಾ ಅವರು ತಮಗಿಂತ ಕೆಳ ರ‍್ಯಾಂಕಿನ ಮಲೇಷ್ಯಾ ಜೋಡಿಗೆ 151–155 ಅಂಕಗಳ ಅಂತರದಿಂದ ಮಣಿದರು.
ಕಾಂಪೌಂಡ್‌ ಹಾಗೂ ರಿಕರ್ವ್‌ನಗುಂಪು ಹಾಗೂ ವೈಯಕ್ತಿಕ ಸ್ಪರ್ಧೆಗಳಲ್ಲಿಗುರುವಾರವೇ ದೇಶದ ಸ್ಪರ್ಧಿಗಳು ಅಭಿಯಾನ ಕೊನೆಗೊಳಿಸಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.