ಗಾಲ್ಫ್‌: ರೋಹನಾಗೆ ಪ್ರಶಸ್ತಿ

ಬೆಂಗಳೂರು: ಶ್ರೀಲಂಕಾದ ಅನುರ ರೋಹನಾ ಅವರು ಪಿಜಿಟಿಐ ಬೆಂಗಳೂರು ಓಪನ್‌ ಗಾಲ್ಫ್‌ ಚಾಂಪಿಯನ್‌ಷಿಪ್‌ನಲ್ಲಿ ಪ್ರಶಸ್ತಿ ಜಯಿಸಿದ್ದಾರೆ.

ಕರ್ನಾಟಕ ಗಾಲ್ಫ್‌ ಸಂಸ್ಥೆಯಲ್ಲಿ ಭಾನುವಾರ ನಡೆದ ಅಂತಿಮ ಸುತ್ತಿನ ಸ್ಪರ್ಧೆಯಲ್ಲಿ 45 ವರ್ಷ ವಯಸ್ಸಿನ ರೋಹನಾ ಉತ್ತಮ ಸಾಮರ್ಥ್ಯ ತೋರಿದರು. ಈ ಮೂಲಕ ಒಟ್ಟು 269 ಸ್ಕೋರ್‌ ಕಲೆಹಾಕಿ ಚಾಂಪಿಯನ್ ಆದರು. ವೃತ್ತಿಪರ ಗಾಲ್ಫ್‌ನಲ್ಲಿ ಅವರು ಜಯಿಸಿದ ಆರನೇ ಟ್ರೋಫಿ ಇದಾಗಿದೆ.

ಪಟ್ನಾದ ಅಮನ್‌ ರಾಜ್‌ ರನ್ನರ್‌ ಅಪ್‌ ಆದರು. ಅವರು ಒಟ್ಟು 272 ಸ್ಕೋರ್‌ ಗಳಿಸಿದರು. ಆದಿಲ್‌ ಬೇಡಿ (273) ಮೂರನೇ ಸ್ಥಾನದೊಂದಿಗೆ ಸ್ಪರ್ಧೆ ಮುಗಿಸಿದರು.