ಗಾಲ್ಫ್ ಚಾಂಪಿಯನ್‌ಷಿಪ್‌: ಭುಲ್ಲರ್, ಶುಭಂಕರ್ ಪಾರಮ್ಯ

ಸೇಂಟ್ ಆ್ಯಂಡ್ರ್ಯೂಸ್, ಬ್ರಿಟನ್ : ಭಾರತದ ಗಗನ್‌ಜೀತ್ ಭುಲ್ಲರ್ ಮತ್ತು ಶುಭಂಕರ್ ಶರ್ಮಾ ಇಲ್ಲಿ ನಡೆಯುತ್ತಿರುವ ಆಲ್ಫ್ರೆಡ್ ಡನ್‌ಹಿಲ್ ಲಿಂಕ್ಸ್ ಗಾಲ್ಫ್ ಚಾಂಪಿಯನ್‌ಷಿಪ್‌ನ ಎರಡನೇ ಸುತ್ತಿನಲ್ಲಿ ಪಾರಮ್ಯ ಮೆರೆದಿದ್ದಾರೆ.

ಎರಡನೇ ಸುತ್ತಿನ ಕೊನೆಯಲ್ಲಿ ಭುಲ್ಲರ್ ಜಂಟಿ 42ನೇ ಸ್ಥಾನ ಗಳಿಸಿದ್ದು ಶುಭಂಕರ್ ಜಂಟಿ 60ನೇ ಸ್ಥಾನದಲ್ಲಿ ಉಳಿದಿದ್ದಾರೆ.

ಅಜಿತೇಶ್ ಸಂಧು ಅಗ್ರ 10ರತ್ತ: ಕೋಬೆ, ಜಪಾನ್ (ಪಿಟಿಐ): ಪ್ಯಾನಸೋನಿಕ್ ಓಪನ್‌ನಲ್ಲಿ ಭಾರತದ ಅಜಿತೇಶ್ ಸಂಧು ಅಗ್ರ 10ರಲ್ಲಿ ಉಳಿಯುವತ್ತ ಚಿತ್ತ ನೆಟ್ಟಿದ್ದಾರೆ. ಆದರೆ ಕಳೆದ ಬಾರಿಯ ಚಾಂಪಿಯನ್ ರಾಹಿಲ್ ಗಂಗ್ಜಿ ನಿರಾಸೆ ಅನುಭವಿಸಿದರು. ಮೂರನೇ ಸುತ್ತು ಕೊನೆಗೊಂಡಾಗ ಸಂಧು ಜಂಟಿ 6ನೇ ಸ್ಥಾನ ಗಳಿಸಿದ್ದು ಗಂಗ್ಜಿ ಜಂಟಿ 32ನೇ ಸ್ಥಾನಕ್ಕೆ ಕುಸಿದಿದ್ದಾರೆ. ವಿರಾಜ್ ಮಾದಪ್ಪ ಅವರು ಜಂಟಿ 56ನೇ ಸ್ಥಾನದಲ್ಲಿದ್ದಾರೆ.