ಕನಸುಗಳ ಬೆನ್ನತ್ತಿ ಯಶಸ್ಸು ಸಾಧಿಸಿ: ಸಿ.ಎಸ್‌. ಸಂತೋಷ್

ಬೆಂಗಳೂರು: ಕನಸುಗಳು ಹಾಗೂ ಮಹದಾಸೆಗಳನ್ನು ಬೆನ್ನತ್ತಿ ಜೀವನದಲ್ಲಿ ಯಶಸ್ಸು ಸಾಧಿಸಿ ಎಂದು ಅಂತರರಾಷ್ಟ್ರೀಯ ಮೋಟರ್‌ಸ್ಪೋರ್ಟ್ಸ್ ಪಟು ಸಿ.ಎಸ್‌. ಸಂತೋಷ್‌ ಹೇಳಿದರು.

ಇಲ್ಲಿಯ ಪಿಇಎಸ್‌ ತಂತ್ರಜ್ಞಾನ ಸಂಸ್ಥೆ ವಿಶ್ವವಿದ್ಯಾಲಯವು ಆನ್‌ಲೈನ್‌ ಮೂಲಕ ಹಮ್ಮಿಕೊಂಡಿದ್ದ ‘ದಿ ಲಾಸ್ಟ್‌ ಒನ್‌ ಸ್ಟ್ಯಾಂಡಿಂಗ್‘ ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದ ಅವರು ವಿದ್ಯಾರ್ಥಿಗಳನ್ನು ಉದ್ದೇಶಿಸಿ ಮಾತುಗಳನ್ನು ಹೇಳಿದರು.

‘ನಮ್ಮನ್ನು ಪ್ರೇರೇಪಿಸುವ ಮತ್ತು ನಮ್ಮನ್ನು ಸದಾ ತುದಿಗಾಲಲ್ಲಿ ನಿಲ್ಲುವಂತೆ ಮಾಡುವ ನಮ್ಮ ಚಟುವಟಿಕೆಗಳನ್ನು ಪತ್ತೆಹಚ್ಚುವುದೇ ಯಶಸ್ಸು. ನಮ್ಮ ಸಾಮರ್ಥ್ಯಗಳನ್ನು ಅರಿತುಕೊಂಡು ಮುನ್ನಡೆಯುವುದು ಮುಖ್ಯ’ ಎಂದು ಅವರು ನುಡಿದರು.