ಚೆಸ್: ಕೋನೇರು ಹಂಪಿಗೆ ಜಯ

ಬಟುಮಿ: ಭಾರತದ ಕೋನೇರು ಹಂಪಿ ಮತ್ತು ವಂತಿಕಾ ಅಗರವಾಲ್ ಅವರು ಫಿಡೆ ಮಹಿಳಾ ವಿಶ್ವ ಚೆಸ್ ಕಪ್ ಎರಡನೇ ಸುತ್ತಿನ ಪಂದ್ಯಗಳಲ್ಲಿ ಬುಧವಾರ ಗೆಲುವು ಪಡೆದು ಮುಂದಿನ ಸುತ್ತಿನತ್ತ ಹೆಜ್ಜೆಯಿಟ್ಟರು.

ಹಂಪಿ ಅವರು ಕಪ್ಪು ಕಾಯಿಗಳಲ್ಲಿ ಆಡಿ ಉಜ್ಬೇಕಿಸ್ತಾನದ ಅಫ್ರೂಜಾ ಕಾಮ್ದಮೋವಾ ಅವರನ್ನು ಸೋಲಿಸಿದರು. ವಂತಿಕಾ ಅಗರವಾಲ್ ಇನ್ನೊಂದು ಪಂದ್ಯದಲ್ಲಿ ಮಾಜಿ ಚಾಂಪಿಯನ್ ಅನ್ನಾ ಉಷೆನಿನಾ ಅವರನ್ನು ಮಣಿಸಿದರು.

ಡಿ.ಹಾರಿಕಾ ಇನ್ನೊಂದು ಪಂದ್ಯದಲ್ಲಿ ಸ್ವದೇಶದ ಪಿ.ವಿ.ನಂದಿತಾ ವಿರುದ್ಧ ಜಯಗಳಿಸಿದರು.