ಆನ್‌ಲೈನ್‌ ಶೂಟಿಂಗ್‌: ಫ್ರೆಂಚ್‌ ಫ್ರಾಗ್ಸ್‌ಗೆ ಜಯ
ನವದೆಹಲಿ: ಫ್ರೆಂಚ್‌ ಫ್ರಾಗ್ಸ್‌ ತಂಡದವರು ವಿಶ್ವದ ಪ್ರಥಮ ಆನ್‌ಲೈನ್‌ ಶೂಟಿಂಗ್‌ ಲೀಗ್‌ನ ಪಂದ್ಯದಲ್ಲಿ ಗೆದ್ದಿದ್ದಾರೆ.
ಭಾನುವಾರ ನಡೆದ ‘ಬಿ’ ಗುಂಪಿನ ತನ್ನ ಎರಡನೇ ಹಣಾಹಣಿಯಲ್ಲಿ ಫ್ರೆಂಚ್‌ ಫ್ರಾಗ್ಸ್‌ 10–5 ಪಾಯಿಂಟ್ಸ್‌ನಿಂದ ಸ್ಪ್ಯಾನಿಷ್‌ ಚಾನೊಸ್‌ ತಂಡವನ್ನು ಪರಾಭವಗೊಳಿಸಿತು.
ಈ ಹೋರಾಟದ ಆರಂಭದಲ್ಲಿ 1–4ರಿಂದ ಹಿನ್ನಡೆ ಕಂಡಿದ್ದ ಫ್ರಾಗ್ಸ್‌ ತಂಡ ಬಳಿಕ ಪುಟಿದೆದ್ದಿತು. ಸತತ ಆರು ಪಾಂಯಿಂಟ್ಸ್‌ ಗಳಿಸಿ 7–4 ಮುನ್ನಡೆ ಪಡೆದ ತಂಡವು 15ನೇ ಶಾಟ್‌ನಲ್ಲಿ ಗೆಲುವಿನ ತೋರಣ ಕಟ್ಟಿತು.
ಉಭಯ ತಂಡಗಳು ತಮ್ಮ ಹಿಂದಿನ ಪಂದ್ಯದಲ್ಲಿ ಇಸ್ರೇಲ್‌ ಮಾಬರೊತ್‌ ತಂಡದ ಎದುರು ಜಯಿಸಿ ಸೆಮಿಫೈನಲ್‌ ಸ್ಥಾನ ಖಚಿತಪಡಿಸಿಕೊಂಡಿದ್ದವು.
ಆಸ್ಟ್ರಿಯನ್‌ ರಾಕ್ಸ್‌ ಮತ್ತು ಇಟಾಲಿಯನ್‌ ಸ್ಟೈಲ್‌ ತಂಡಗಳೂ ಸೆಮಿಫೈನಲ್‌ಗೆ ಲಗ್ಗೆ ಇಟ್ಟಿವೆ.
ಇದೇ ತಿಂಗಳ 18 ಮತ್ತು 19ರಂದು ನಾಲ್ಕರ ಘಟ್ಟದ ಪಂದ್ಯಗಳು ನಿಗದಿಯಾಗಿವೆ. ಫ್ರಾಗ್ಸ್‌ ತಂಡ ಆಸ್ಟ್ರಿಯನ್‌ ರಾಕ್ಸ್‌ ಎದುರೂ, ಸ್ಪ್ಯಾನಿಷ್‌ ತಂಡ ಇಟಾಲಿಯನ್‌ ಸ್ಟೈಲ್‌ ವಿರುದ್ಧವೂ ಹೋರಾಡಲಿವೆ.
ಇದೇ ತಿಂಗಳ 26ರಂದು ಫೈನಲ್‌ ಪಂದ್ಯವು ಆಯೋಜನೆಯಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.