ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಕಾಲಿನ್ ಮಸ್ರೊ ನಿವೃತ್ತಿ

ಕ್ರೈಸ್ಟ್‌ಚರ್ಚ್: ಟಿ20 ವಿಶ್ವಕಪ್‌ಗೆ ರಾಷ್ಟ್ರೀಯ ತಂಡದಲ್ಲಿ ಸ್ಥಾನ ಪಡೆಯಲು ವಿಫಲವಾದ ನ್ಯೂಜಿಲೆಂಡ್‌ನ ಅಗ್ರ ಕ್ರಮಾಂಕದ ಬ್ಯಾಟರ್ ಕಾಲಿನ್ ಮನ್ರೊ ಶುಕ್ರವಾರ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ್ದಾರೆ.

37 ವರ್ಷದ ಮನ್ರೊ ಕಿವೀಸ್‌ ತಂಡದ ಪರ ಒಂದು ಟೆಸ್ಟ್, 57 ಏಕದಿನ ಮತ್ತು 65 ಟಿ20 ಪಂದ್ಯಗಳನ್ನು ಆಡಿ ಒಟ್ಟು 3,010 ರನ್‌ ಗಳಿಸಿದ್ದಾರೆ. ಅವರು ಟಿ20 ಮಾದರಿಯಲ್ಲಿ ಸ್ಫೋಟಕ ಬ್ಯಾಟಿಂಗ್‌ ಮೂಲಕ ಜನಪ್ರಿಯರಾಗಿದ್ದರು.

ಈತನಕ 428 ಟಿ20 ಪಂದ್ಯಗಳನ್ನು ಆಡಿರುವ ಅವರು 30.44 ಸರಾಸರಿಯಲ್ಲಿ 10,961 ರನ್‌ ಗಳಿಸಿದ್ದಾರೆ. ಅವರು 2020ರಲ್ಲಿ ಭಾರತ ವಿರುದ್ಧದ ಟಿ20 ಪಂದ್ಯದಲ್ಲಿ ರಾಷ್ಟ್ರೀಯ ತಂಡದಲ್ಲಿ ಕೊನೆಯ ಬಾರಿ ಕಾಣಿಸಿಕೊಂಡಿದ್ದರು.