ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್: ಪ್ರಣಯ್‌ಗೆ ಸೋಲು

ಒಸಾಕ: ಜಪಾನ್‌ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಭಾರತದ ಎಚ್‌.ಎಸ್‌. ಪ್ರಣಯ್‌ ಅವರ ಸವಾಲು ಕೊನೆಗೊಂಡಿದೆ.

ಶುಕ್ರವಾರ ನಡೆದ ಪುರುಷರ ಸಿಂಗಲ್ಸ್ ವಿಭಾಗದ ಕ್ವಾರ್ಟರ್‌ಫೈನಲ್ ಪಂದ್ಯದಲ್ಲಿ ಪ್ರಣಯ್‌ 17–21, 21–15, 20–22ರಿಂದ ಚೀನಾ ತೈಪೆಯ ಚೊ ಟಿಯೆನ್ ಚೆನ್‌ ವಿರುದ್ಧ ಪರಾಭವಗೊಂಡರು.

ವಿಶ್ವ ಚಾಂಪಿಯನ್‌ಷಿಪ್‌ ಕಂಚಿನ ಪದಕ ವಿಜೇತ ಪ್ರಣಯ್‌ ಎದುರು ಚೆನ್‌ ಒಂದು ತಾಸು 20 ನಿಮಿಷಗಳ ಹಣಾಹಣಿಯಲ್ಲಿ ಸೋಲೊಪ್ಪಿಕೊಂಡರು. ಮೊದಲ ಗೇಮ್‌ನಲ್ಲಿ ಸೋತ ಭಾರತದ ಆಟಗಾರ, ಎರಡನೇ ಗೇಮ್‌ನಲ್ಲಿ ತಿರುಗೇಟು ನೀಡಿದರು. ಜಿದ್ದಾಜಿದ್ದಿನ ನಿರ್ಣಾಯಕ ಗೇಮ್‌ನಲ್ಲಿ ಎಡವಿದರು.

ಎಐಎಫ್‌ಎಫ್‌ ಚುನಾವಣೆ: ಕಲ್ಯಾಣ್ ಅಧ್ಯಕ್ಷ, ಹ್ಯಾರಿಸ್‌ ಉಪಾಧ್ಯಕ್ಷ

ಪಂದ್ಯದಲ್ಲಿ ಪ್ರಣಯ್, ಉತ್ತಮ ರ‍್ಯಾಲಿಗಳನ್ನು ಆಡಿದರು. ಆದರೆ ಸ್ವಯಂಕೃತ ತಪ್ಪುಗಳು ಸೋಲಿಗೆ ಕಾರಣವಾದವು.

ಚೆನ್‌ ವಿರುದ್ಧ ಆಡಿದ್ದ ಈ ಹಿಂದಿನ ಎರಡು ಪಂದ್ಯಗಳಲ್ಲಿ ಪ್ರಣಯ್ ಜಯ ಸಾಧಿಸಿದ್ದರು. ಆದರೆ ಇಲ್ಲಿ ಮುಗ್ಗರಿಸಿದರು.