ಡೆನ್ಮಾರ್ಕ್ ಓಪನ್ ಬ್ಯಾಡ್ಮಿಂಟನ್: ಕ್ವಾರ್ಟರ್‌ಫೈನಲ್‌ಗೆ ಲಕ್ಷ್ಯ

ಒಡೆನ್ಸ್, ಡೆನ್ಮಾರ್ಕ್: ಭಾರತದ  ಲಕ್ಷ್ಯ ಸೇನ್ ಅವರು ಡೆನ್ಮಾರ್ಕ್ ಓಪನ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ವಿಶ್ವದ  ಎರಡನೇ ರ‍್ಯಾಂಕ್ ಆಟಗಾರ ಆ್ಯಂಡರ್ಸ್ ಅಂಟಾನಸೆನ್ ವಿರುದ್ಧ ಗೆದ್ದರು. ಇದರೊಂದಿಗೆ ಕ್ವಾರ್ಟರ್‌ಫೈನಲ್ ಪ್ರವೇಶಿಸಿದರು. 

ಗುರುವಾರ ನಡೆದ ಪಂದ್ಯದಲ್ಲಿ 21ನೇ ಶ್ರೇಯಾಂಕದ ಲಕ್ಷ್ಯ ಅವರು 21–13, 21–14ರಿಂದ ಆತಿಥೇಯ ದೇಶದ ಆ್ಯಂಡರ್ಸ್ ವಿರುದ್ಧ ಜಯಿಸಿದರು. 53 ನಿಮಿಷಗಳವರೆಗೆ ನಡೆದ ಪಂದ್ಯದಲ್ಲಿ ಲಕ್ಷ್ಯ ಪಾರಮ್ಯ  ಮೆರೆದರು. 

ಪುರುಷರ ಡಬಲ್ಸ್‌ನಲ್ಲಿ ಸಾತ್ವಿಕ್ ಸಾಯಿರಾಜ್ ರಣಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ 21–19, 21–17ರಿಂದ ಚೀನಾ ತೈಪಿಯ ಲೀಗ್ ಜೆ ಹುಯ್ ಮತ್ತು ಯಂಗ್ ಪೊಸುವಾನ್ ವಿರುದ್ಧ ಗೆದ್ದು ಕ್ವಾರ್ಟರ್‌ಫೈನಲ್ ಪ್ರವೇಶಿಸಿದರು.