ಕುಮಾಮೊಟೊ ಮಾಸ್ಟರ್ಸ್ ಜಪಾನ್ ಬ್ಯಾಡ್ಮಿಂಟನ್ ಟೂರ್ನಿ: ಭಾರತದ ನೈಶಾಗೆ ನಿರಾಶೆ

ಕುಮಾಮೊಟೊ (ಜಪಾನ್‌): ಹದಿಹರೆಯದ ಆಟಗಾರ್ತಿ, ಭಾರತದ ನೈಶಾ ಕೌರ್ ಭತೊಯೆ ಅವರು ಕುಮಾಮೊಟೊ ಮಾಸ್ಟರ್ಸ್ ಜಪಾನ್ ಬ್ಯಾಡ್ಮಿಂಟನ್ ಟೂರ್ನಿಯ ಪ್ರಧಾನ ಸುತ್ತಿಗೇರಲು ವಿಫಲರಾದರು.

ಮಹಿಳಾ ಸಿಂಗಲ್ಸ್‌ ಅರ್ಹತಾ ಸುತ್ತಿನಲ್ಲಿ ನೈಶಾ 17–21, 18–21ರಲ್ಲಿ ತಮಗಿಂತ ಮೇಲಿನ ಕ್ರಮಾಂಕದ ಆಟಗಾರ್ತಿ, ನ್ಯೂಜಿಲೆಂಡ್‌ನ ಶಾವುನ್ನ ಲಿ ಅವರಿಗೆ ಮಣಿದರು. ಹೀಗಾಗಿ ಮಹಿಳಾ ಸಿಂಗಲ್ಸ್‌ನಲ್ಲಿ ಭಾರತದ ಪ್ರಾತಿನಿಧ್ಯ ಕೊನೆಗೊಂಡಂತಾಗಿದೆ.