ಬಾಕಿಯಿರಿಸಿದ ವೆಚ್ಚ: ಅಜ್ಲಾನ್ ಶಾ ಕಪ್‌ ಟೂರ್ನಿಗೆ ಪಾಕ್‌ಗೆ ಆಹ್ವಾನವಿಲ್ಲ
ಕರಾಚಿ: ಮಲೇಷ್ಯಾ ಹಾಕಿ ಫೆಡರೇಷನ್‌, ಈ ಬಾರಿಯ ಸುಲ್ತಾನ್‌ ಅಜ್ಲಾನ್ ಶಾ ಕಪ್‌ ಹಾಕಿ ಟೂರ್ನಿಗೆ ಪಾಕಿಸ್ತಾನಕ್ಕೆ ಆಹ್ವಾನ ನೀಡಿಲ್ಲ. ಜೋಹರ್ ಹಾಕಿ ಸಂಸ್ಥೆಗೆ ಸುಮಾರು ₹9 ಲಕ್ಷ ಬಾಕಿಯಿರಿಸಿರುವ ಕಾರಣ ಈ ಕ್ರಮ ಕೈಗೊಂಡಿದೆ.
2023ರ ಟೂರ್ನಿಯಲ್ಲಿ ಆಡಲು ಬಂದಿದ್ದ ಪಾಕಿಸ್ತಾನ ತಂಡದ ಜೊತೆ ಅಧಿಕಾರಿಗಳು ಮತ್ತು ಅವರ ಕುಟುಂಬ ಸದಸ್ಯರ ವಾಸ್ತವ್ಯ, ಪ್ರಯಾಣಕ್ಕೆ ಮಾಡಿದ ವೆೆಚ್ಚಗಳನ್ನು ಭರಿಸುವಂತೆ ಜೋಹರ್ ಹಾಕಿ ಸಂಸ್ಥೆಯು ಪಾಕಿಸ್ತಾನ ಹಾಕಿ ಫೆಡರೇಷನ್‌ಗೆ (ಪಿಎಚ್‌ಎಫ್‌) ಕಟುವಾದ ಪತ್ರ ಬರೆದಿತ್ತು ಎಂದು ಫೆಡರೇಷನ್‌ನ ಮೂಲವೊಂದು ತಿಳಿಸಿದೆ.
ಈ ಬಾರಿಯ ಟೂರ್ನಿಯು ಇಪೊದಲ್ಲಿ ನವೆಂಬರ್ 22 ರಿಂದ 29ರವರೆಗೆ ನಡೆಯಲಿದೆ.
2023ರ ಅಕ್ಟೋಬರ್‌ ತಿಂಗಳಲ್ಲಿ ಜೋಹರ್ ಕಪ್‌ನಲ್ಲಿ ಆಡಲು ತೆರಳಿದ್ದ ಪಾಕ್ ತಂಡದ ಜೊತೆ ಆಧಿಕಾರಿಗಳು, ಅವರ ಕುಟುಂಬ ಸದಸ್ಯರೂ ಇದ್ದರು.
ಈ ಬಗ್ಗೆ ಜೋಹರ್ ಹಾಕಿ ಸಂಸ್ಥೆಯು ಮಲೇಷ್ಯಾದ ಫೆಡರೇಷನ್‌ಗೆ ಮಾಹಿತಿ ನೀಡಿತ್ತು. ಈ ವಿಷಯವನ್ನು ಅಂತರರಾಷ್ಟ್ರೀಯ ಹಾಕಿ ಫೆಡರೇಷನ್‌ಗೆ ಒಯ್ಯುವುದಾಗಿ ಬೆದರಿಕೆಯನ್ನೂ ಒಡ್ಡಿತ್ತು.
ಆದರೆ ಹಾಕಿ ಸಂಸ್ಥೆಯ ಆರ್ಥಿಕವಾಗಿ ತೀರ ಸಂಕಷ್ಟದಲ್ಲಿದ್ದು, ಫೆಡರೇಷನ್‌ನ ಮಾಜಿ ಅಧಿಕಾರಿಗಳು ಮಾಡಿದ ಈ ವೆಚ್ಚದ ಬಗ್ಗೆ ಮಾಹಿತಿ ಹೊಂದಿಲ್ಲ.
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.