ರೋಟರಿ ಬೃಂದಾವನ 16 ವರ್ಷದೊಳಗಿನವರ ಚೆಸ್: ನಾಲ್ವರು ಆಟಗಾರರ ಮುನ್ನಡೆ

ಮೈಸೂರು: ನಿವಾನ್ ರಾಘವೇಂದ್ರ ಸೇರಿದಂತೆ ನಾಲ್ವರು ಆಟಗಾರರು ಇಲ್ಲಿ ನಡೆದಿರುವ ‘ರೋಟರಿ ಬೃಂದಾವನ 16 ವರ್ಷದೊಳಗಿನವರ ಮುಕ್ತ ರೇಟಿಂಗ್‌ ಚೆಸ್ ಟೂರ್ನಿ’ಯಲ್ಲಿ ನಾಲ್ಕನೇ ಸುತ್ತಿನ ಅಂತ್ಯಕ್ಕೆ ಅಗ್ರಸ್ಥಾನದಲ್ಲಿ ಮುನ್ನಡೆದಿದ್ದಾರೆ.

ನಿವಾನ್‌, ಸಾತ್ವಿಕ್‌ ವಿಶ್ವನಾಥ್, ಆರುಷ್‌ ಭಟ್ ಹಾಗೂ ಯು.ಡಿ. ಆಕಾಂಕ್ಷ್‌ ಅಜೇಯ ಗೆಲುವಿನೊಂದಿಗೆ 4 ಅಂಕ ಸಂಪಾದಿಸಿದರು. ನಾಲ್ಕನೇ ಸುತ್ತಿನ ಹಣಾಹಣಿಯಲ್ಲಿ ನಿವಾನ್‌ ಬಿ.ಪಿ. ಉತ್ಸವ್‌ರನ್ನು ಮಣಿಸಿದರು. ಆರುಷ್‌ ಅವರು ಪ್ರಣವ್‌ ಶೇಟ್‌ ವಿರುದ್ಧ, ಆಕಾಂಕ್ಷ್‌ ಅವರು ಬೆಂಗಳೂರಿನ ಯಶಸ್ ಗೌಡ ಎದುರು ಹಾಗೂ ಸಾತ್ವಿಕ್‌ ಅವರು ಪಿ. ಅಭಿನವರನ್ನು ಮಣಿಸಿ ಮುನ್ನಡೆ ಕಾಯ್ದುಕೊಂಡರು.