ಬೆಂಗಳೂರು | ಸ್ಕೇಟಿಂಗ್: ಧನುಷ್‌ಗೆ ಬೆಳ್ಳಿ

ಬೆಂಗಳೂರು: ನಗರದ ಸ್ಕೇಟಿಂಗ್ ಪಟು ಧನುಷ್ ಬಾಬು ಅವರು ದಕ್ಷಿಣ ಕೊರಿಯಾದಲ್ಲಿ ಈಚೆಗೆ ನಡೆದ 20ನೇ ಏಷ್ಯನ್ ರೋಲರ್ ಸ್ಕೇಟಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ಬೆಳ್ಳಿ ಪದಕ ಜಯಿಸಿದರು. 

ಅವರು ಪುರುಷರ 200 ಮೀ ಡ್ಯುಯಲ್ ಟೈಮ್ ಟ್ರಯಲ್ಸ್‌ನಲ್ಲಿ ಈ ಸಾಧನೆ ಮಾಡಿದರು. 30 ವರ್ಷದ ಧನುಷ್ ಅವರು 17.592 ಸೆಕೆಂಡುಗಳಲ್ಲಿ  ಗುರಿ ಮುಟ್ಟಿದರು. ತೈಪೆಯ ಲೀ ಯಾಂಗ್‌ ಕುವೊ (17.584) ಅವರು ಮೊದಲ ಸ್ಥಾನ ಪಡೆದರು. ಧನುಷ್ ಎರಡನೇಯವರಾಗಿ ಗುರಿ ಮುಟ್ಟಿದರು. ಕೊರಿಯಾದ ಲೀ ಗಿವೊನ್ (17.624ಸೆ) ಕಂಚು ಜಯಿಸಿದರು.