19 ವರ್ಷದೊಳಗಿನವರ ಏಷ್ಯನ್‌ ಬಾಕ್ಸಿಂಗ್‌: ಸುಮನ್‌ ಕುಮಾರಿ ಶುಭಾರಂಭ

ಬ್ಯಾಂಕಾಕ್‌: ಭಾರತದ ಸುಮನ್‌ ಕುಮಾರಿ ಅವರು ಶುಕ್ರವಾರ ಇಲ್ಲಿ ಆರಂಭವಾದ 19 ವರ್ಷದೊಳಗಿನವರ ಏಷ್ಯನ್‌ ಬಾಕ್ಸಿಂಗ್‌ ಚಾಂಪಿಯನ್‌ಷಿಪ್ಸ್‌ನಲ್ಲಿ ಶುಭಾರಂಭ ಮಾಡಿದರು.

ಮಹಿಳೆಯರ 48 ಕೆ.ಜಿ. ವಿಭಾಗದಲ್ಲಿ ಸ್ಪರ್ಧಿಸಿದ್ದ ಸುಮನ್‌, ಚೀನಾ ತೈಪೆಯ ಮೆಂಗ್‌–ಸಿನ್‌ ಶೆಂಗ್‌ ಅವರನ್ನು ಮಣಿಸಿ ಎರಡನೇ ಸುತ್ತಿಗೆ ಮುನ್ನಡೆದರು. ಆದರೆ ಭಾರತದ ಇತರ ಸ್ಪರ್ಧಿಗಳು ನಿರಾಶೆ ಅನುಭವಿಸಿದರು.

ಪುರುಷರ 50 ಕೆ.ಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಆಕಾಶ್‌ ಬಧ್ವಾಡ್‌, 70 ಕೆ.ಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಸಾರಥಿ ಸೈನಿ ಹಾಗೂ 80 ಕೆ.ಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಲೋಕೇಶ್‌ ಸೋಲನುಭವಿಸಿದರು.