ಬ್ಯಾಡ್ಮಿಂಟನ್‌: ಸಮೀರ್‌ ವರ್ಮಾಗೆ ಪ್ರಶಸ್ತಿ
Published 9 ಸೆಪ್ಟೆಂಬರ್ 2018, 17:13 IST
ಪ್ರಶಸ್ತಿಯೊಂದಿಗೆ ಸಮೀರ್‌ ವರ್ಮಾ ಸಂಭ್ರಮ – ಎಎಫ್‌ಪಿ ಚಿತ್ರ
ಹೈದರಾಬಾದ್‌: ಅಪೂರ್ವ ಆಟ ಆಡಿದ ಸಮೀರ್‌ ವರ್ಮಾ ಅವರು ಹೈದರಾಬಾದ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದಿದ್ದಾರೆ.
ಭಾನುವಾರ ನಡೆದ ಪುರುಷರ ಸಿಂಗಲ್ಸ್‌ ವಿಭಾಗದ ಫೈನಲ್‌ನಲ್ಲಿ ಸಮೀರ್‌ 21–15, 21–18ರ ನೇರ ಗೇಮ್‌ಗಳಿಂದ ಮಲೇಷ್ಯಾದ ಸೂಂಗ್‌ ಜೂ ವೆನ್‌ ಅವರನ್ನು ಸೋಲಿಸಿದರು.
ಟೂರ್ನಿಯಲ್ಲಿ ಅಗ್ರಶ್ರೇಯಾಂಕ ಹೊಂದಿದ್ದ ಸಮೀರ್‌ ಎರಡು ಸೆಟ್‌ಗಳಲ್ಲೂ ಪ್ರಾಬಲ್ಯ ಮೆರೆದರು.
ಪುರುಷರ ಡಬಲ್ಸ್‌ ವಿಭಾಗದ ಪ್ರಶಸ್ತಿ ಸಾತ್ವಿಕ್‌ ಸಾಯಿರಾಜ್‌ ರಣಕಿರೆಡ್ಡಿ ಮತ್ತು ಚಿರಾಗ್‌ ಶೆಟ್ಟಿ ಅವರ ಪಾಲಾಯಿತು.
ಫೈನಲ್‌ನಲ್ಲಿ ಸಾತ್ವಿಕ್‌ ಮತ್ತು ಚಿರಾಗ್‌ 21–16, 21–14ರಲ್ಲಿ ಇಂಡೊನೇಷ್ಯಾದ ಅಕ್ಬರ್‌ ಬಿಂಟಾಂಗ್‌ ಕಾಹ್ಯೊನೊ ಮತ್ತು ಮೊಹ್‌ ರೆಜಾ ಪಹ್ಲೆವಿ ಇಸ್ಫಾನಿ ಅವರನ್ನು ಸೋಲಿಸಿದರು.
ಭಾರತದ ಜೋಡಿ ಎರಡು ಗೇಮ್‌ಗಳಲ್ಲೂ ಮಿಂಚಿನ ಆಟ ಆಡಿ ಗಮನ ಸೆಳೆಯಿತು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.