ಚೆಸ್‌: ಭಾರತದ ವಿಶ್ವನಾಥನ್ ಆನಂದ್ ವೀಕ್ಷಕ ವಿವರಣೆಕಾರ
Published 15 ಅಕ್ಟೋಬರ್ 2021, 19:46 IST
ವಿಶ್ವನಾಥನ್ ಆನಂದ್– ಪಿಟಿಐ ಚಿತ್ರ
ಚೆನ್ನೈ: ಭಾರತದ ವಿಶ್ವನಾಥನ್ ಆನಂದ್ ಅವರು ಫಿಡೆ ವಿಶ್ವ ಚೆಸ್‌ ಚಾಂಪಿಯನ್‌ಷಿಪ್ ಪಂದ್ಯಕ್ಕೆ ವೀಕ್ಷಕ ವಿವರಣೆ ನೀಡಲಿದ್ದಾರೆ. ದುಬೈನಲ್ಲಿ ನವೆಂಬರ್‌ 24ರಂದು ಈ ಪಂದ್ಯವು ನಾರ್ವೆಯ ಮ್ಯಾಗ್ನಸ್ ಕಾರ್ಲ್‌ಸನ್ ಮತ್ತು ರಷ್ಯಾದ ಇಯಾನ್‌ ನೆಪೊಮ್ನಿಯಾಚಿ ನಡುವೆ ನಡೆಯಲಿದೆ.
‘ವೀಕ್ಷಕ ವಿವರಣೆ ನೀಡಲು ದುಬೈಗೆ ತೆರಳಲು ಉತ್ಸುಕನಾಗಿದ್ದೇನೆ‘ ಎಂದು ಐದು ಬಾರಿಯ ವಿಶ್ವ ಚಾಂಪಿಯನ್ ಆನಂದ್ ಹೇಳಿದ್ದಾರೆ.
ವಿಶ್ವ ಚಾಂಪಿಯನ್‌ಷಿಪ್ ಪಂದ್ಯವು ‘ಬೆಸ್ಟ್ ಆಫ್‌ 14‘ ಮಾದರಿಯದ್ದಾಗಿದೆ. ಟೈಬ್ರೇಕ್ ಕೂಡ ಇರಲಿದೆ.
‘ಫಿಡೆ ಚೆಸ್ಸೇಬಲ್ ಅಕಾಡೆಮಿಯಿಂದ ದುಬೈನಲ್ಲಿ ನಡೆಯುತ್ತಿರುವ ತರಬೇತಿ ಶಿಬಿರದಲ್ಲಿ ಆನಂದ್ ಅವರು ಉಪನ್ಯಾಸ ಕೂಡ ನೀಡಲಿದ್ದಾರೆ‘ ಎಂದು ವಿಶ್ವ ಚೆಸ್‌ ಫೆಡರೇಷನ್ ತಿಳಿಸಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.