ಕೋಲ್ಕತ್ತ: ಮೀರಾಬಾಯಿ ಚಾನು ಅವರು ವೇಟ್ಲಿಫ್ಟಿಂಗ್ನಲ್ಲಿ ತಮ್ಮದೇ ಹೆಸರಿನಲ್ಲಿದ್ದ ರಾಷ್ಟ್ರೀಯ ದಾಖಲೆಯನ್ನು ಉತ್ತಮಪಡಿಕೊಂಡರು. ಇಲ್ಲಿ ನಡೆಯುತ್ತಿರುವ ರಾಷ್ಟ್ರೀಯ ಚಾಂಪಿಯನ್ಷಿಪ್ನ ಮಂಗಳವಾರ 49 ಕೆಜಿ ವಿಭಾಗದಲ್ಲಿ ಅವರು ಚಿನ್ನ ಜಯಿಸಿದರು.
ಮಣಿಪುರದ 25 ವರ್ಷದ ಮೀರಾಬಾಯಿ, ಒಟ್ಟು 203 ಕೆಜಿ (ಸ್ನ್ಯಾಚ್ 88 ಮತ್ತು ಕ್ಲೀನ್ ಮತ್ತು ಜೆರ್ಕ್ 115 ಕೆಜಿ) ಭಾರ ಎತ್ತುವ ಮೂಲಕ ಅಗ್ರಸ್ಥಾನ ತಮ್ಮದಾಗಿಸಿಕೊಂಡರು. ಇದರೊಂದಿಗೆ ವಿಶ್ವ ರ್ಯಾಂಕಿಂಗ್ನಲ್ಲಿ ನಾಲ್ಕನೇ ಸ್ಥಾನಕ್ಕೇರಿದರು. ಚೀನಾದ ಜಿಯಾಂಗ್ ಹುಯ್ಹುವಾ (212 ಕೆಜಿ), ಹೊ ಜಿಹುಯಿ (211 ಕೆಜಿ) ಹಾಗೂ ಕೊರಿಯದಾ ರಿ ಸಾಂಗ್ ಗಮ್ (209 ಕೆಜಿ) ಮೊದಲ ಮೂರು ಸ್ಥಾನಗಳಲ್ಲಿದ್ದಾರೆ.
ಹೋದ ವರ್ಷದ ಸೆಪ್ಟೆಂಬರ್ನಲ್ಲಿ ಥಾಯ್ಲೆಂಡ್ನಲ್ಲಿ ನಡೆದ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಮೀರಾಬಾಯಿ 201 ಕೆಜಿ ಭಾರ ಎತ್ತಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.