ಟೆನಿಸ್‌: ಕ್ವಾರ್ಟರ್‌ ಫೈನಲ್‌ಗೆ ನಿಕ್ಷೇಪ್‌

ಬೆಂಗಳೂರು: ಕರ್ನಾಟಕದ ಬಿ.ಆರ್‌. ನಿಕ್ಷೇಪ್‌, ಮಹಾರಾಷ್ಟ್ರದ ಪಂಚಗಣಿಯಲ್ಲಿ ನಡೆಯುತ್ತಿರುವ ಎಐಟಿಎ ಟೆನಿಸ್‌ ಟೂರ್ನಿಯಲ್ಲಿ ಕ್ವಾರ್ಟರ್‌ ಫೈನಲ್‌ಗೆ ಪ್ರವೇಶಿಸಿದ್ದಾರೆ.

ಮಂಗಳವಾರ ನಡೆದ ಪುರುಷರ ಸಿಂಗಲ್ಸ್‌ ವಿಭಾಗದ ಎರಡನೇ ಸುತ್ತಿನ ಪಂದ್ಯದಲ್ಲಿ ನಿಕ್ಷೇಪ್‌, 6–3, 6–2 ರಿಂದ ಮಹಾರಾಷ್ಟ್ರದ ಅಥರ್ವ ಶರ್ಮಾ ಅವರನ್ನು ಮಣಿಸಿದರು.

ಪುರುಷರ ಡಬಲ್ಸ್‌ ವಿಭಾಗದಲ್ಲಿ ಬಿ.ಆರ್‌.ನಿಕ್ಷೇಪ್‌ ಮತ್ತು ಅಲೆಕ್ಸ್‌ ಸೋಲಂಕಿ ಜೋಡಿಯು 6–4, 7–6 (8–6)ರಿಂದ ಅಗ್ರ ಶ್ರೆಯಾಂಕಿತ ಮಹಾರಾಷ್ಟ್ರದ ಸಾಹಿಲ್‌ ಗವಾರೆ ಮತ್ತು ಜಯೇಶ್‌ ಪುಂಗಾಲಿಯಯಾ ಜೋಡಿಯನ್ನು ಸೋಲಿಸಿ ಕ್ವಾರ್ಟರ್‌ ಫೈನಲ್ ಹಂತ ತಲುಪಿತು.