ಅಮೆರಿಕ ಓಪನ್: ಅಂಕಿತಾಗೆ ಇಲ್ಲ ಅರ್ಹತೆ

ನ್ಯೂಯಾರ್ಕ್‌: ಅಮೆರಿಕ ಓಪನ್ ಟೆನಿಸ್ ಟೂರ್ನಿಯ ಅರ್ಹತಾ ಸುತ್ತಿನ ಸವಾಲು ಯಶಸ್ವಿಯಾಗಿ ದಾಟಲು ಭಾರತದ ಅಂಕಿತಾ ರೈನಾ ಅವರಿಗೆ ಸಾಧ್ಯವಾಗಲಿಲ್ಲ. ಬುಧವಾರ ರಾತ್ರಿ ನಡೆದ ಪಂದ್ಯದಲ್ಲಿ ಅಂಕಿತಾ, ಚೆಕ್‌ ಗಣರಾಜ್ಯದ ಡೆನಿಸಾ ಅಲೆಟೋವಾ ಎದುರು ಸೋತರು.

ಭಾರತದಲ್ಲಿ ಅಗ್ರ ಕ್ರಮಾಂಕ ಹೊಂದಿರುವ ಆಟಗಾರ್ತಿ ಎರಡು ತಾಸು ಮತ್ತು 17 ನಿಮಿಷಗಳ ಪೈಪೋಟಿಯಲ್ಲಿ 7–6 (5), 4–6, 2–6ರಲ್ಲಿ ಎದುರಾಳಿಗೆ ಶರಣಾದರು.

ಸುಮಿತ್ ನಗಾಲ್ ಅರ್ಹತಾ ಸುತ್ತಿನಲ್ಲಿ ಉಳಿದಿರುವ ಭಾರತದ ಏಕೈಕ ಆಟಗಾರ. ಎರಡನೇ ಸುತ್ತಿನಲ್ಲಿ ಅವರು ಕೆನಡಾದ ಪೀಟರ್ ಪೋಲಂಸ್ಕಿ ಎದುರು ಸೆಣಸಲಿದ್ದಾರೆ.